Қазақстан халқы Ассамблеясы мен «Amanat» партиясы Шымкент қалалық филиалы арасында ынтымақтастық туралы меморандумға қол қою рәсімі өтті. Бірлескен отырыста елдің тұтастығы мен халықтың бірлігі мақсат етіліп отыр.
Мемлекет басшысы Қасым-Жомарт Тоқаевтың Қазақстан халқы Ассамблеясының 32-ші сессиясында берген тапсырмасына сай өзара ынтымақтастық туралы меморандумға қол қойылды. Айта кетейік, енді партия белсенділері мен ассамблея мүшелері ақпарат алмасу, қоғамдық келісім мен жалпы ұлттық бірлік саясатын нығайтуға бағытталған насихаттық жұмыстарды жүргізуде, халықтың құқықтық мәдениетін арттыруға және бірлік құндылықтарын ілгерілету бойынша бірлесіп жұмыс атқарады.
«Достық» үйінде өткен жиында ассамблея мүшелері қалалық татар-башқұрт және өзбек этномәдени бірлестігінің төрағалары сөз сөйлеп маңызды міндетті бірлесе атқаруға дайын екендігін жеткізді.