ЕРЕКШЕ ЖОБА БАЛАНЫ ҰЛТТЫҚ РУХТА ТӘРБИЕЛЕЙДІ

Шымкент қаласы «Бал-Айбике» ұлттық сауықтыру бөбекжай балабақшасында республикалық форум өтті. Абай облысы, Астана Семей, Қызылорда қалаларынан арнайы келген балабақша меңгерушілеріне заманауи ойын жабдықтары таныстырылып, соңы бүлдіршіндердің дайындаған концерттік бағдарламасына ұласты. Мемлекет басшысы Қасым-Жомарт Тоқаевтың 2022 жылғы жолдауында «Қазақта «Ел боламын десең, бесігіңді түзе» деген сөз бар. Сондықтан, мектепке дейінгі тәрбие жұмысы басты назарда болуы керек. Балаларды балабақшамен қамтамасыз ету мәселесін түпкілікті шешу қажет деген болатын. Ал бүгінгі іс шараны өз көзімен көрген қонақтарымыз шахарымыздағы Бал Айбике балабақшасы республикалық деңгейде, сонымен қатар ұлттық құндылықтарымызды дәріптей алатын жобалармен қамтылған деген пікір білдірді. Сонымен қатар қонақтар «Бал Айбике» балабақшасының меңгерушісі Айгүл Байдаулетованың авторлық идеясы Шабандоз атты жобасы республикамыздың барлық балабақшаларына ұсынуға лайықты екенін алға тартты. Білім – баланың ақылын, ал тәрбие – мінезін қалыптастырады. Балабақшалардың бағыты осындай болса білімді де, тәрбиелі ұрпақ қалыптастыра алатынымызға сенім мол. Себебі Шабандоз жобасына арналған бөлмеге кірсең әсемделген күйдің әуені жаныңды тебірентеді. Ал балаға балабақшадан бастап рухани тәрбие бере алсақ, елін сүйгіш патриот азамат болып өсуіне сенім мол дейді жоба авторы. Іс шара соңында қазақи салт дәстүрлер насихатталып, Абай, Мұқағали сынды тұлғалардың өмірінен көріністер қойылып, өлеңдері оқылды.