Бүгін, өңір басшысы Жансейіт Түймебаев пен қала әкімі Ғабидолла Әбдірахымовтың қатысуымен Қаратау ауданына қарасты Достық шағынауданында мамандандырылған халыққа қызмет көрсету орталығының ашылу рәсімі өтті.
Мұнда көлік құралдарын тіркеу және жүргізуші куәлігін беру қызметтері қолжетімді болды. Мамандандырылған ХҚКО-дағы теориялық және тәжірибелік емтихандарды тапсыру процестерін автоматтандыру адами факторларды толықтай жойып, оны барынша айқын етуге мүмкіндік береді.
Оның үстіне мамандандырылған ХҚКО-лар азаматтардың уақытын үнемдеуге өте қолайлы. Еске салар болсақ, ағымдағы жылдың шілде айынан бастап, автокөлікті электрондық кезек талонын алған сәттен бастап бір сағат ішінде тіркеуге болады. Ал, жүргізуші куәлігін алуға теориялық және тәжірибелік емтиханды тапсыру уақытын қоса алғанда орта есеппен 2 сағаттай уақыт кетеді.
Шымкент қалалық әкімдігінің баспасөз қызметі.
