Қауіпсіздік қалқаны — сарбаздар легі Отан алдындағы борышын өтеді. 31775 әскери бөлімінде бір жыл бойы шыныққан Шымкенттік 20 дан астам азамат үйіне оралды. Бүгін ел мен жер алдындағы абыройлы міндетін қалтқысыз атқарған сарбаздарды, темір жол бекетінен ел ағалары күтіп алды. Ел қорғау-ердің басты міндеті. Қасқайып тұрып, тәуелсіз мемлекеттің қалқаны болуға сарбаздарымыз әрдайым әзір. Қарағандыдағы №31775 әскери бөлімінде Отан алдындағы борышын өтеген 25 сарбаз үйіне оралды. Оларды туыстары мен сала ардагерлері, әскери патриоттық клуб жеткіншектері, мерекелік күймен қарсы алып, ізгі тілектерін білдірді. Әскери борышын өтеген сарбаздар бір жыл бойына Отан қорғау ісінің қыр-сырына қанықты, құрыштай шынықты.
Қатардағы жауынгер Диас Шымкент қаласының тумасы. Бір жыл ішінде әскери өмірдің ыстығы мен суығын қатар көріп, темірдей тәртіпке төселген. Әр аймақтан келген жора-жолдастарына бір үйдің баласындай бауыр басыпта үлгеріпті. Сап түзеген сарбаз осы уақыт аралығында ел азаматы ретінде арқалаған жүгін, ерекше сезіндім дейді. Ел басына күн туғанда азаматтың адалдығы сыналады. Отанына оралған әр сарбаз халық жанынан өшпес Қаңтар оқиығасында алдыңғы шепте жұмыс істеді.
Аға ұрпақтың ерлігін жалғастырып, бейбіт күннің болашағын қалыптастыратын ол әрине еліне адал азаматтар. Олардың жұдырықтай жүрегінде Отанға деген мейірім мен сүйіспеншілік басым. Ал оны болашақ ұрпаққа сол қалпында жеткізу бүгінгі сарбаздардың еншісінде.
ТӘТТІГҮЛ ТАЛАЕВА “ПАРАСАТ” ОРДЕНІМЕН МАРАПАТТАЛДЫ
Ақтөбе облыстық Қоғамдық кеңесінің төрағасы Талаева Тәттігүл Жақсыбайқызы Қазақстан Республикасының жоғары мемлекеттік марапаты – «Парасат» орденімен марапатталды. Мемлекет басшысы Қасым-Жомарт...
