СТЕНД АТУДАН ҚАЗАҚСТАН ЧЕМПИОНАТЫ ӨТУДЕ

Шымкентте стенд ату спорт түрінен Қазақстан Республикасының чемпионаты өтті. Сайыста еліміздің түкпір-түкпірінен келген 140-қа жуық көзмерген бақтарын сынап, шеберліктерін шыңдады.

Шымкент Шутинг Плаза спорттық кешенінде басталған дода Қазақстанның әр аймағынан жиналған түрлі Азия ойындары жүлдегерлері мен чемпиондарының басын қосып отыр. Мұнда келген спортшылар құралайды көзге атқан мергендер мен кіл мықтылар. Олар өздерінің қырағылығын дәл осы сайыста сынап, өзара үздік қатысушыны анықтады.

Додада Нұрсұлтан, Шымкент ,Алматы қаласы мен Қызылорда, Павлодар, Алматы облыстарынан келген бас аяғы 138 спортшы бақ сынасуда. Сайыстың шарты бойынша көзмергендер «ТРАП» және «Скит» жаттығуында 75 нысанаға дөп тигізіп, ұпай жинауы қажет. Бүгінде осы спорт түрінен Азия чемпионадарының бірнеше дүркін жүлдегері атанған Шыңғыс Егенқұл 10 жылға жуық уақыт бойы шеберлігін шыңдап келеді. Айтуынша, қазір елімізде стенд ату спортына деген қолдаулар артып, тиісінше қызығушылар саны да көбейген. Спорт басқармасы басшысының сөзінше, турнирде үздік ойын көрсеткен мерген алдағы уақытта шетелде өтетін азия чемпионаттарына жолданады. Олардың бұл сайыста шеберлігі артып қана қоймай, рейтингте жоғары орынға жайғасуына үлкен мүмкіндік туып отыр.