6 АЙДА АТҚАРЫЛҒАН ЖҰМЫСТАР БАЯНДАЛДЫ

Биыл Шымкентте еңбек заңнамасының бұзылу фактілері бойынша  684 жағдай тіркелген. Ал еңбек инспекторларының рейдтік шарасы кезінде — 179 заң бұзушылық анықталған. Бұл туралы қалалық еңбек инспекциясы басқармасының басшысы баспасөз отырысында мәлімдеді. Бұдан бөлек аталған басқарманың соңғы 6 ай ішінде атқарған жұмыстарының есебі баяндалды. Белгілі болғандай, еңбек ұжымдарында  жалақы қарыздары бойынша  6 еңбек дауы тіркелген. Қазіргі таңда бұл мәселелер шешіліп, қала аумағында еңбек ұжымдарында жағдай қалыпты екен.  Ал жалақы қарыздарының қордалану мәселесі қала бойынша 2 кәсіпнысанында орын алған. Атап айтқанда «Ан-траст ЖШС»  21 қызметкерге 7,9 млн теңге қарыз. Ал «Рио мед медициналық орталығы»  ЖШС 71 қызметкерге 8,1 млн теңге қарызданған.  Қазіргі таңда аталған бизнес нысандарына берешектерді өндіру бойынша  сот орындаушылар тарапынан тиісті жұмыстар атқарылуда екен. Бұдан бөлек есепті кезеңнің тексеру барысында, 33 кәсіпорында 1304 жұмыскерлердің 213,3 млн теңге көлеміндегі жалақы қарыздары мемлекеттік еңбек инспекторларының араласуымен өтелді.