Туған елін қоңыр үнмен тербеген, тарих пен дәстүрді әнімен өрнектеген өнер майталманы Хатимолла Бердіғалиев Шымкент қаласына келді. Қазақтың үш жүзден астам дәстүрлі әнінің авторы атанған мәдениет қайраткері, Шәмші Қалдаяқов атындағы облыстық филармонияда ән кешін өткізбек. Қазақстанның Еңбек сіңірген қайраткері, «Парасат» орденінің иегері, ақын, әнші Хатимолла Бердіғалиев биыл 70 жасқа толып отыр. Қазақтың өнерін ұлықтаған, дәстүрлі әндерді шарықтатқан ұлы өнерпаз 300-ден астам дәстүрлі әндердің авторы. Сондай ақ өнер майталманының бүгінгі таңда 80 нен астам әні Қазақ Радиосының алтын қорына енгізілген.
