САПАЛЫ БІЛІМ, БІЛІКТІ МҰҒАЛІМ, БІЛІМДІ ҰРПАҚ

Балабақша – тәрбие мен білімнің алғашқы баспалдағы. Ондағы сапалы білім мен білікті мұғалім — елдің тұтқасын ұстаушы ұрпақты қалыптастырады. Осы орайда Шымкенттегі №28 балабақшаның алар орны ерекше. Тәжірибелі мамандардан құралған мектепке дейінгі тәрбие ошағында бүгін республикалық семинар өтті.

 Балалар жылы қарсаңында мегаполистегі №28 сөйлеу функциясы ауыр және жеңіл бұзылған балаларға арналған «Гаухар» балабақшасы. Инклюзивті білім беруде алғашқылардың қатарында тұрған мекеме республикадағы тәрбиешілердің басын қосып, «Сапалы білім, жақсы мұғалім, білімді ұлт»  тақырыбында практикалық семинар өткізді. Ондағы мақсат ерекше білім алуды қажет ететін балалармен жұмыс жасаудағы тиімді тәсілдерді үйрету. Өйткені, ерекше балаларға білім беру тәсілі да ерекше болуы қажет.

Семинарға еліміздің әр аймағынан жалпы саны 60-қа жуық маман қатысты. Балабақшаның білікті тәрбиешілері тірек-қимылға, сөйлеуге арналған жаттығуларды көрсетіп, бұл тәсілдерді психологиялық берік қарым-қатынас орнату арқылы жасаса, балаға тез әсер ететіндігін айтты. Практикалық семинардың пайдалы болғанын, қатысушылар да көрсетілген жаттығуларды бірге орындап,  барлығының атсалысып отырғанынан-ақ аңғарылады. Қызылорда облысынан келген қатысушы Шолпан Оралбайқызы ерекше білім алуды қажет ететін балаларға жасалып жатқан мүмкіндіктерге тоқталды.

Тәжірибе алмасу семинарынан соң қатысушыларға балабақшаның бүлдіршіндері өнерлерін көрсетті. Әсем әннің ырғағымен би билеген ерекше балалар қонақтардың бірден назарын аударды. Тәрбиеші мен бала арасындағы тығыз байланысты көрсеткен концерттік қойылым белсенділікке, қажеттілігіне қарай бейімделуге үйретеді. Білім және ғылым министрлігінен келген сала басшысы бұл балабақшаның кең мүмкіндіктерін атап, бүгінгі семинардың пайдасы көп екендігіне тоқталды.

Ерекше оқытуды қажет ететін елімізде жалпы саны 49 балабақша бар. Баланы бақшадан бастап болашақ өмірге бейімдеу – қазіргі білім беру жүйесінің басты міндеті болса, Гаухар балабақшасы бұл алғышартты орындап, оң нәтиже көрсетіп келеді.