Бүгін Баянауылда аудан активінің жиналысы өтіп, онда Әбілқайыр Сқақов ауданның жаңа әкімін таныстырды, деп хабарлайды Павлодар облысының әкімінің баспасөз қызметі.
Облыс әкімі Қанат Кәрімовке Баянауыл ауданының әкімі қызметіндегі жұмысы үшін алғыс білдірді. Аймақ басшысы Әбілқайыр Сқақов жаңа басшыны таныстырды. Ол Серік Батырғожиновқа жұмыста табыс тілеп, оның алдында басты міндеттерді белгіледі. Жаңа аудан әкіміне билік пен халық арасында тиімді диалог орнату, ауыл жастарын белсенді қолдау, елді мекендерді сумен жабдықтау жөніндегі барлық жобаларды аяқтау, жолдарды жөндеуге назар аудару және жаңа туристік маусымға дайындықты бастау қажет.
Серік Батырғожинов 1964 жылы Ертіс ауданында дүниеге келген. 1990 жылы Целиноград ауыл шаруашылығы институтын «Агрономия» мамандығы бойынша, ал 2004 жылы Қазақ гуманитарлық заң университетін «Құқықтану» мамандығы бойынша бітірген.
Еңбек жолын 1985 жылы Ертіс ауданы «Голубовский» совхозында жұмысшы болып бастады. Жоғары білім алып, 1990 жылы кеңшардың бас агрономы болды. 1993 жылдан 1999 жылға дейін павлодарлық «Себат» ЖШС директоры болып жұмыс істеді, «Беловодское АҚП» АҚ, «Иса Байзақов атындағы» ЖШС және Ертіс ауданының АТ «Алтыншы ауыл»ЖШС. 1999 жылы Мемлекеттік қызметке ауысып, Качир ауданы әкімінің орынбасары қызметін атқарды. 2000 жылдан 2003 жылдың желтоқсанына дейін Качир ауданын басқарды. 2004 жылдың қаңтарынан 2011 жылға дейін Ертіс ауданы «Аманкөл» шаруа қожалығы басшысының кеңесшісі қызметін атқарды. 2011-2013 жылдары — Ертіс өңіріндегі «Нұрби» ЖШС директоры болып жұмыс жасады. 2013 жылдың қыркүйегінде мемлекеттік қызметке қайта оралып, Ертіс ауданы әкімінің орынбасары болды. 2014-2016 жылдары — Ақтоғай ауданының әкімі, ал 2016-2019 жылдары — Ертіс ауданының әкімі болды. 2019 жылы «Стальмонтаж» ЖШС бас директорының орынбасары қызметін атқарды. 2020 жылы Серік Батырғожинов Павлодар облысының ауыл шаруашылығы басқармасын басқарды. 2021 жылдың ақпан айында Тереңкөл ауданының әкімі болып тағайындалды.
