Түркістан облысында балабақша қызметкерлері митингке шықты

Түркістан облысында балабақша қызметкерлері митингке шықты. Алдын ала хабарлама тастап, заң аясында өткізілген митинг барысында тәрбиешілер айлық-жалақысын көтеруді талап етіп, наразылық білдірді. Олардың арасында «Қазақстан үздіксіз білім беру қауымдастығы» жеке кәсіпкерлер мен заңды тұлғалар бірлестігінің Түркістан облысы бойынша филиалының басшылары болған. Белгілі болғандай, мәселе мектепке дейінгі білімге 2017-2019 жылдарға бір орынға 19 354 теңге мөлшерінде қаржы бөлінгенінде. Жаңа әдіс бойынша 2017 жылы бір орынның бағасы 30 150 теңгеге өскен. Тәрбиешілердің ашуын келтірген айырмашылық ескерілмеді.

Түркістан облысына аз қаражат бөледі, ал бұл сайып келгенде қызметкерлердің жалақысына кері әсер етіп отыр. Облыстағы тәрбиешілердің орташа жалақысы 60 мың теңгені құраса, басқа өңірлерде 150 мың теңге шамасында. Қаражаттың жетіспеушілігінен балабақшалар барлығын үнемдеуге мәжбүр, соның ішінде қызметкерлер саны әдеттегіден 2-3 есе аз. Ал Түркістан облысындағы мектепке дейінгі жастағы балалардың саны жағынан елімізде бірінші орында.

Әкімдіктің мәлімдеуінше, департамент қазірдің өзінде Білім және ғылым министрлігіне қарызды өтеуге қосымша 26,5 млрд теңге бөлу туралы сұраныс жіберген. Түркістан облысында 1424 мектепке дейінгі мекеме бар. Оның ішінде: 269-ы — балабақша, 131 шағын мектеп орталығы және 1024 жеке балабақша бар.