Қазақстан Республикасы өңірлерінің көліктік қолжетімділігін арттыру және ішкі туризмді дамыту мақсатында бірқатар субсидияланатын авиабағыттар бойынша рейстер саны ұлғайтылды және жаңа бағыттар ашылды, ҚР Индустрия және инфрақұрылымдық даму министрінің баспасөз қызметі.
«Южное небо» әуе компаниясы тұрақты рейстерді жүзеге асыратын Нұр-Сұлтан – Балқаш және Алматы – Балқаш әуе бағыттарында «Qazaq Air» екінші тасымалдаушысы іске қосылды. Осылайша, Нұр-Сұлтан – Балқаш бағыты бойынша рейстер саны аптасына 6 рейстен 10 рейске дейін ұлғайтылады. Тариф құны — 9 000 теңге. Алматы-Балқаш бағыты бойынша рейстер саны аптасына 7 рейстен 13 рейске дейін ұлғайтылады. Тариф құны — 10 000-14 000 теңге. «Qazaq Air» әуе компаниясы «Bombardier Q400» әуе кемелерімен ұшуды орындайды.
Сондай – ақ, Ақтау — Көкшетау әуе бағыты бойынша рейстер саны 3 рейстен 5 рейске дейін ұлғайтылды. Рейстер «SCAT» әуе компаниясының «CRJ2» әуе кемелерімен орындалады, тарифі 15 000-нан 30 000 теңгеге дейін.
Түркістан қаласының әуежайынан ұшу географиясын кеңейту бойынша жұмыс аясында Ақтөбе (тарифі 20 000 теңге) және Талдықорған (16000 теңге) қалаларына тұрақты рейстерді әр бағытта 2 рейс жиілігімен ашу жоспарлануда. Рейстер «CRJ2» және «Б-737» әуе кемелерінде орындалатын болады.
«SCAT» әуе компаниясы Нұр-Сұлтан – Талдықорған бағытында субсидияланатын рейсті ашады деп күтілуде. Рейстер «Б-737» әуе кемелерінде орындалатын болады.
