ОРАЗА АЙТ НАМАЗЫНА ҚАТЫСТЫ ҚМДБ МӘЛІМДЕМЕСІ

Еліміз бойынша мешіттердің аулаларында Ораза айт намазы оқылатын болды. Бұл туралы muftyat.kz-те Қазақстан Мұсылмандар Діни басқармасы мәлімдеді. Жергілікті бас санитарлық дәрігерлердің Қаулысы бойынша Ораза айт намазын оқуға рұқсат беріліп отыр. 

Ең бастысы мешітке келуші мұсылман жамағаты төмендегі сақтық шараларына аса мән беруі керек:

— Бетперде (маска) киіп келу;

— Үйден дәрет алып келу;

— Намаздан соң қол беріп амандаспау;

— Намаздан кейін көп кідірмей үйге қайту;

— Жамағатпен оқылатын намазға балиғатқа толмаған балаларды алып келмеу;
— Науқастар мен әйелдердің айт намазына қатыспағаны абзал.

«Жұқпалы індетті таратпау үшін әр азамат өзінің отбасы, қоғам алдындағы жауапкершілігін терең сезініп, санитарлық талаптар мен мешіт тәртібіне бағынуы қажет. Барша жамағатты өзі мен отбасының, еліміз бен жеріміздің амандығы үшін Жаратқанға дұға жасауға үндейміз. Алла Тағала жер бетіндегі күллі адамзатты түрлі апаттан сақтап, жұқпалы індеттен аман еткей! Әмин!» — делінген ресми хабарламада