Шымкент қаласының «қызыл» аймаққа өту қаупі бар

Шымкент қаласында өткен тәулікте COVID-19 инфекциясына шалдыққан 81 жағдай тіркелді. Егер, ауырғандар саны дәл осылай жалғасатын болса, онда Шымкент қаласы келесі аптада «қызыл» аймаққа өтуі әбден мүмкін. Бұл туралы қалалық Санитарлық-эпидемиологиялық департаменті басшысының орынбасары Ералқасын Түктібай брифингте мәлімдеді. Айта кетейік, үшініші мегаполис 1 сәуірден бастап «сары» аймаққа өткен болатын. Қазіргі таңда карантин талаптары күшейтіліп, бірнеше шектеулер қойылды.  Қысқаша тоқталып өтетін болсақ, адамдар көп жиналатын іс-шараларды ұйымдастыруға толықтай тыйым салынды. Кеңсе қызметкерлерінің 50 пайызы қашықтықтан жұмыс жасауы қажет. Сонымен қатар, монша, СПА, ойын-сауық орталықтары жексенбі күні жұмысын тоқтатады. Ал, мәдени нысандар мен кинотеатрлар жалпы орын санының тек 20 пайызын құрайтын көрермендерді қабылдай алады. Бұдан өзге де өзгертулер мен толықтырулар бар.

Департамент қызметкерлерінің айтуынша, Шымкент қаласы «қызыл» аймаққа өткен уақытта аудан, қала арасына блок-посттар қойылмайды. Сондай-ақ, эпидахуалдың күрт нашарлауына наурыз айында өткен іс-шаралардың да сеп болғанын да айтады.

Айғақ-ақпарат