Жолақы қымбаттауы мүмкін

Жолақы қымбаттауы мүмкін. Шымкентте қоғамдық көліктердегі тарифті 90 теңгеге, жекелеген төлемдерді 150 теңгеге дейін көтеруді ұсынып отыр. Бұл мәселе «Nur Otan» партиясы Шымкент қалалық филиалы жанындағы Партиялық бақылау комиссиясысының кезекті отырысында күн тәртібінде талқыланды. Жолаушылар көлігі және автомобиль жолдары басқармасының басшысы бұдан бөлек Ержан Жақсылықұлы саладағы жұмыстармен таныстырды.

Нақтырақ, жол-құрылыс нысандары, жолаушылар және такси  тасымалы, қоғамдық көліктегі келеңсіздіктер, «TOLEM» жүйесі бойынша атқарылған жұмыстарды мәлімдеді. Және  өткен жылы қоғамдық көлікке байланысты  халық арасында сауалнама жүргізіліп, оған қатысқан 21 мың адамның пікірі ескерілгендігін айтты. Тұрғындардың басым көпшілігі қоғамдық көліктерді жаңарту, электронды төлем жүйесін енгізуді сұраған.

Қазіргі уақытта электронды жүйе арқылы бір күндік  транзакция саны 160 мыңды құрайды екен. Алдағы уақытта оны 300 мыңға жеткізу жопаспары бар. Тариф құны, транзакция саны көтерілген соң, тасымалдушылардың табысы бір күнде 6 миллионға көтерілетін болады, яғни субсидия көлемі азаяды. Сондай-ақ, тариф көтерілген соң бірінші және екінші топтағы мүгедектерге қоғамдық көлікте  жүруге жеңілдіктер беріледі.

Айғақ-ақпарат