Ордабасы ауданында Алғыс айту күні атап өтілді

     Көктемнің алғашқы күнімен тұспа тұс келетін «Алғыс айту» күні мерекесі Ордабасы ауданында да кең көлемде аталып өтті. «Алғыс — ризашылық белгісі» тақырыбын арқау еткен мерекелік шара аудан көлеміндегі түрлі этнос өкілдерінің қатысуымен өткен ұлттық қолөнер бұйымдары және тағамдар көрмесімен бастау алды. Сонымен қатар аталған шара соңы аудандық мәдениет үйінде мерекелік концерттік бағдарламаларға ұласты. ҚР Тұңғыш Президенті — Елбасы Н.Ә.Назарбаевтың жарлығымен 2016 жылы 14 қаңтарда Қазақстан халқы Ассамблеясының құрылған күні 1 наурызды елімізде Алғыс айту күні деп жариялаған болатын. Содан бері елімізде бұл күн айтулы мейрам ретінде аталып өтілуде.   Айғақ-ақпарат