Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Айғақ MEDIA»ЖОЛДАУ – ЕЛ ЕРТЕҢІНЕ БАҒДАР
    Айғақ MEDIA

    ЖОЛДАУ – ЕЛ ЕРТЕҢІНЕ БАҒДАР

    Айғақ медиаАйғақ медиа18.11.20260 Views

    Мемлекет басшысының кезекті жолдауында айқындалған басымдықтарды халыққа жеткізу мақсатында Еңбек және халықты әлеуметтік қорғау вице-министрі Шымкентке арнайы табан тіреді. Сапар аясында ол әуелі этнос өкілдерімен жүздесіп, кейін белсенді жастармен және болашақ мамандармен кездесті. Басқосуларда ел дамуының өзекті бағыттары сөз болды. Алғашқы кезекте халықтың әл-ауқатын арттыру мәселесіне тоқталып, келер жылдың 1 қаңтарынан бастап еңбекақысы төмен азаматтардың жалақысын көтеруге қатысты жоспарлардан хабардар етті.

    Вице-министр әлеуметтік көмекті үлестірудегі олқылықтарға да тоқталды. Оның айтуынша, бұған дейін мемлекеттен берілетін жәрдемақылар мен түрлі төлемдерді тағайындау кезінде әділетсіздікке жол берілген тұстар аз емес. Кейбір азаматтар қолдауға шын мұқтаж болса, енді біреулер заңдағы мүмкіндіктерді өз пайдасына жаратып келген. Мұндай қайшылықтар әлеуметтік әділдік қағидатына қайшы. Сондықтан көмек көрсету тетіктерін жетілдіру – күн тәртібіндегі ділгір мәселенің бірі.

    Әсіресе, қоғамда қызу талқыға түскен әлеуметтік көмекті есептеу тетігіне қатысты түсінік берді. Жұртшылық арасында кіріс пен шығыс көрсеткіштері ескерілген жағдайда шын мұқтаж отбасылардың жәрдемақыдан қағылуы мүмкін деген алаң бар. Алайда вице-министрдің сөзінше, әлеуметтік қолдаудан қағу үшін бір ғана көрсеткіш негізге алынбайды. Азаматтың тұрмыстық ахуалы бірнеше өлшем бойынша сараланады. Демек, шын мәнінде көмекке зәру жандардың алаңдауына негіз жоқ.

    Мемлекеттік қолдауды тұрақты табыс көзіне айналдырып алғандар да назардан тыс қалмады. Вице-министр еңбекке қабілетті бола тұра, жұмыс істеуге құлықсыз азаматтардың бар екенін жасырмады. Мұндай жағдайға тосқауыл қоюда жұмыспен қамту орталықтарының міндеті зор. Олар азаматтарды лайықты жұмысқа бағыттап, кәсіп игеруге және табыс табуға жәрдемдесуі тиіс. Өйткені әлеуметтік саясаттың түпкі мұраты – масылдықты көбейту емес, еңбекке ынталандыру.

    Кәсіпкерлікті қолдау жайын Ұлттық экономика министрлігі Арнайы бағдарламалар комитетінің төрағасы тарқатты. Ол шағын және орта бизнестің тынысын кеңейту үшін бұрын енгізілген мораторий тәжірибесіне тоқталды. Кәсіпкерлерді негізсіз тексеруден қорғау бизнестің өрісін кеңейтуге қаншалықты ықпал еткені де сөз болды. Дегенмен мұндай шаралардың тиімділігі жан-жақты зерделеніп, алдағы шешімдер нақты талдау негізінде қабылданатыны айтылды. Елдік мүдде мен қоғамдық бастамалардың сабақтастығы да назардан тыс қалмады. Шымкент қаласы Қоғамдық кеңесінің төрағасы Жолдаудағы халықтың үніне құлақ асатын мемлекет қағидатына тоқталып, қалада атқарылып жатқан игі істерді тілге тиек етті. Оның айтуынша, тұрғындардың ұсыныс-пікірін ескеру, қоғамдық бақылауды күшейту және шаһардың тыныс-тіршілігіне азаматтарды кеңінен тарту – ортақ жауапкершілікті қалыптастыратын маңызды тетіктер.

    Жолдаудағы басым бағыттарды түсіндіру жұмыстарының жалғасы М.Әуезов атындағы Оңтүстік Қазақстан зерттеу университетінде өрбіді. Мұнда студент жастармен өткен жүздесуде елдегі саяси-экономикалық жаңғырулар, әлеуметтік қолдау мен кәсіпкерлікті дамыту мәселелері кеңінен қозғалды. Білім қуған өрендер де көкейдегі сауалдарын ортаға салып, өз ой-пікірлерін білдірді. Осылайша, Жолдаудағы міндеттерді жастар санасына сіңірумен қатар, олардың азаматтық ұстанымын қалыптастыруға да мән берілді.


    Түйіндей айтқанда, Мемлекет басшысының Жолдауы – алдағы кезеңнің бағдарын айқындайтын маңызды құжат. Ондағы міндеттерді жұртшылыққа жеткізу, мазмұнын кеңінен түсіндіру және ел ішінде қолдау табуына ықпал ету – ортақ міндет. Ал көтерілген мәселелердің нақты іске айналуы мемлекеттік органдардың жауапкершілігімен қатар, қоғамның да белсенділігіне байланысты. Өйткені ел ертеңі – бүгінгі қабылданған шешімдер мен жасалған қарекеттің нәтижесі.

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    СМАРТФОННАН АЛЫСТАТҚАН ЗИЯТКЕРЛІК ДОДА

    18.11.2026

    КЕМЕЛ ҚОҒАМНЫҢ КІЛТІ

    18.11.2026

    ТЕХНОЛОГИЯНЫҢ ТЫҢ ТЫНЫСЫ

    18.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.