Қаратау ауданының тұрғындары көбіне ирригация мәселесімен бетпе-бет келеді. Жаңбыр жауса, көшеге су толып, жұрт әбігерге түсетін жағдай аз емес. Көп жылдардан бергі түйткіл толық шешілмесе де, биыл 22 көшеге арық жүйесін салу жоспарланып отыр. Ал сапасы сын көтермей, жұрттың наразылығын тудырған Кеңжарық көшесі мен көлік ағынының көптігінен тарлық көрген Сіргелі көшесінің тұрғындары үшін де жағымды жаңалық бар. Алдағы уақытта бұл аумақтарда жол инфрақұрылымын жақсарту бағытындағы жұмыстар кезеңімен жүзеге аспақ. Бұл туралы аудан әкімі Алмас Абаев баспасөз брифингінде мәлімдеді.
Қаратауда жол инфрақұрылымын дамыту жұмыстары жоспарға сай жүріп жатыр. Аудандағы көшелердің жалпы ұзындығы 753 шақырымды құраса, 108 көшеге орташа жөндеу ұсынылып отыр. Снх: Ксм: Аудандағы аяқжолдардың жалпы ұзындығы 394 шақырым. Қазіргі таңда Мирас шағынауданында аяқжол салу жұмыстары жалғасып жатыр. Бұл – Президент тапсырмасы аясында тұрғындарға қолайлы орта қалыптастыруға бағытталған жобалардың бірі.
Аудандағы ирригациялық арықтардың жалпы ұзындығы 253 шақырымнан асады. Ирригация жүйесіне қатысты 2025 жылы 24 нысанның құрылысы жүргізілсе, биыл 22 нысанды іске асыру жоспарда. Әкімдік мұндай жұмыстар жауын-шашын кезінде су жиналу мәселесін азайтып, тұрғындардың қауіпсіздігін арттыратынын айтады.
Қаратау ауданының әкімі Алмас Абаев бірінші тоқсанда атқарылған жұмыстарды саралап, жыл соңына дейін жүзеге асатын жобаларды таныстырды. Өз кезегінде аудан тұрғындарының талап-тілегіне құлақ түріп, көпшілікті толғандырған мәселелердің мән-жайын сұрап-білдік.
Жол мен ирригация мәселесі – Қаратау тұрғындары үшін өзекті тақырыптардың бірі. Биыл жоспарланған жобалар толық жүзеге асса, аудан инфрақұрылымы едәуір жақсарып, тұрғындардың өмір сүру сапасы жақсармақ.
