САДАҚ АТУДАН ҮЗДІКТЕР АНЫҚТАЛУДА

Шымкентте садақ атудан Қазақстан Республикасының кубогінің финалдық кезеңі өтуде . Елдің ең үздік мергендері жиналған бұл шешуші дода да ең мықтылар анықталады. Спорттық додада еліміздің әр өңірінен іріктелген 64 спортшы қатысуда. Жарыс нәтижесінде Қазақстанның ұлттық құрамасы жасақталып, үздіктер алдағы Азия чемпионатында ел намысын қорғайтын болады.

Финалдық кезеңге Астана, Алматы және Шымкент қалаларынан бөлек, Ақмола, Жетісу, Түркістан және Батыс Қазақстан облыстарынан келген спортшылар қатысуда. Әр аймақтың үздік садақшылары өз өңірінің намысын қорғап, жоғары нәтиже көрсетуге тырысады. Жарыс алаңында атмосфера қызу, әрбір нысана үшін тартыс ерекше. Мергендер дәлдік пен сабырдың нағыз сын сағаттарын өткізуде. Биылғы маусымның алғашқы үш кезеңі еліміздің әр өңірінде өткен болатын. Бірінші кезең – Шымкентте, екінші – Талдықорғанда, ал үшінші кезең – Орал қаласында ұйымдастырылған. Ал шешуші дода, дәстүрлі түрде, қайтадан Шымкент төрінде өтуде. Бұл қаланың спорт инфрақұрылымы мен ұйымдастырушылық деңгейі жоғары екенін тағы бір дәлелдеді.

Спортшылар садақ ату шеберлігін ғана емес, психологиялық төзімділігін де сынға салуда. Әр нысанаға дәл тию – көп жылғы еңбектің нәтижесі. Тәжірибелі спортшылармен қатар жас таланттар да өз мүмкіндігін көрсетіп жатыр. Бұл өз кезегінде ұлттық құраманың жаңа есімдермен толығуына мүмкіндік береді.

Сайыс республикалық  деңгейде өтуде. Қатысушыларға барлық мүмкіндік қарастырылған. Финал нәтижесі жуырда белгілі болады. Ең үздік мергендер Қазақстан намысын Азия чемпионатында қорғап, ұлттық құрама сапына іріктеледі.