Биыл 95 жылдық мерейтойын атап өтіп жатқан Шымкенттегі Жұмат Шанин атындағы академиялық қазақ драма театры көптеген іс-шараның ұйытқысы болуда. Соның бастысы – қазақта театр өнерінің қалыптасуына ат салысқан тұңғыш тұлғаның атындағы қарашаңырақ Орталық Азия елдері театрларының IX халықаралық фестивалін өткізуде. Екі жылда бір рет өтетін бұл фестиваль еліміздің ғана емес, бүкіл Орталық Азия өңірінің мәдени өміріндегі елеулі оқиға болып тұр. Бұған тұспа-тұс келген театр мерейтойы шаһарға даңқты өнерпаздардың жиналуына ұйытқы болуда.
«Киллерден телеграм!» Шымкентте өтіп жатқан халықаралық театрлар фестивалінде Әзірбайжан мемлекеттік музыкалық театры көрермендерді тәнті етті. Адам өлтіруге тапсырыс алған жігіттің тағдыры
бейнеленген монодрама көпшіліктің көңілінен шықты. Жаңа туындыны театр сыншылары да жоғары бағалады.
Спектакль жалданып адам өлтіретін қаныпезердің жер-фәнидегі ең соңғы күні туралы әңгімелейді. Талай кісінің жанын жаһанамға жіберген Джалил енді солардың артынан өзі де аттанбақ. Себебі ол кезекті тапсырыс бойынша өз ғашығын өлтіруі тиіс. Сондықтан ол ақтық сөзін камераға түсіріп, өз-өзіне қол жұмсамақ. Бірақ қанішердің дәті бұған бара ма?
Бұд біздің репертуарымыздағы 6 моно спектакль. Бүгін міне ШЫМКЕНТ сахнасындағы екінші спектакльімізді қойдық. Махаббат әлемді құтқарады. Спектакль осы идеяны жалау етеді. Киллер кезекті тапсырысына ғашық болып қалып, қысқа ғана құмырының құрдымға кеткенін түсініп әбден налиды. Шарасыз қалғанын түсінгенде ол ғашығын қалдырып өзін өлтіреді.
