22 қазан мен 3 қараша аралығында Черногорияның Будва қаласында өткен жастар арасындағы бокстан әлем чемпионаты қазақстандық боксшылар үшін сәтті аяқталды. Біздің құрама осы турнирде алғаш рет жалпы есепте бірінші орын алды.
Қазақстан құрамасының нәтижесі бойынша отандастарымыз 6 алтын, 1 күміс, 10 қоланы еншіледі. Жеңіс тұғырынан көрінгендердің қатарында шымкенттік Санжарәлі Бегалиев бар.
Әлем чемпионы атанған 75 келідегі спортшы біріншілік барысында Румыния (5:0), Болгария (5:0), Куба (4:1) және Польша (3:2) спортшыларын жеңді.
Финалда Джафарбек Шахбазовтан (Өзбекстан) айқын басымдықпен айласын асырды.
