Дәстүрлі садақ атудан ересектер арасындағы «DALA MERGENI» сайысы өз мәресіне жетті. Шымкент қаласында алғаш рет өтіп жатқан жарыста 10 елдің спортшылары қатысып, бақтарын сынады. Кубокқа әлемнің әр елінен 15 мерген келді, ал Қазақстан ұлттық құрамасы мен әр облыстан 1 ұл 1 қыз садақшылар қатысты.
«Dala Mergeni» әлем кубогі — ұлттық дәстүрлі садақ ату өнерін қолдау, халықаралық аренада насихаттау мақсатында өткен айтулы жиынға шет мемлекеттен де көрермендер келіп өз жақындарын қолдады. Ұлттық сайысқа Ресей, Иран, Франция, Тәжікстан, Моңғолия, Үндістан, Әзірбайжан, Өзбекстан, Қырғызстан және еліміздің барлық аймағынан мергендер жекелей сында ерлер және әйелдер болып бақтарын сынады. Спортшылар «Пута», «Қалқан» және «Жамбы» стилі бойынша бақтарын сынап, шеберліктерін паш етті.
Қазақстан Республикасының Ұлттық спорт қауымдастығы, «Sadaq aty» Республикалық дәстүрлі садақ ату федерациясы, Шымкент қаласы садақ ату федерациясы мен дене шынықтыру және спорт басқармасының ұйымдастыруымен өткен спорттық дода 3 кунге созылды. Спорттық жарыста ең мықтылар анықталып туларын биікке желбіретті.
Әлем Кубогінің жеңімпаздары анықталды. Жарыстың бірінші күнінде Пута нысанасы бойынша спортшылар бақ сынаса ,ал екінші күнінде қалқан нысанасы мен жеңімпаз анықталды. Сондай-ақ, әр тиген оққа 1 ұпай беріледі. Ең жоғарғы ұпай 63 ұпай болды.
Ұпай сандары тең түскен жағдайда 9 оқтан 1 мүмкіндік беріледі. Егер осы мүмкіндікте тең ұпай орын алса, нысананың ортасындағы нүктеге ең жақын тиген оқ есепке алынып, сол спортшыға ұпай есептеледі.
Сондай- ақ, үшінші күнде жамбы нысанасы бойынша ең мықталар топ жарып, жеңіс тұғырынан көрінді. Ұлттық спорттық додада әр нысана түріне байланысты арақашықтық есептелді. Мысалы, Пута нысанасы — 60/70метр арақашықтықта болса, Қалқан нысанасы 50/60метр, Жамбы нысанасы 30метр. Құралайды көзге атқан мергендерді марапаттап, қаржылай сыйлықтар табысталды. Ұлттық сайыстың жалпы жүлде қоры 8 млн теңге. Ұйымдастырушылар алдағы уақытта бұндай ұлттық додадалды жиі-жиі болатынын айтты.
