БІР КҮНДІК КЛИНИКА

Жүкті әйелдерге жақсы жаңалық. Өңіріміздің Қалалық перинеталдық орталығында «Бір күндік клиника» — атты бірегей жоба іске қосылып, салтанатты түрде ашылды. Бұл жаңашылдық — бір жерде, бір күнде барлық тексерулердің жиынтығы қағидаты бойынша ұйымдастырылған. Аталмыш шарада нәрестелер мен балалар өмірін сақтау мақсаты іске асырылғалы отыр.
Қазіргі таңда ана мен бала өмірі — қоғамның маңызды және қауіпсіз негізі болып табылады. Болашақ ұрпақ денсаулығына қамқорлық — бұл біздің бүлдіршіндер алдындағы міндетіміз. Сондықтан «Бір күндік клиника» атты жобаның іске қосылып, ашылуы біздің қала үшін өте маңызды деген әкім орынбасары клиниканың ашылуымен құттықтап, келген қонақтарға алғысын білдірді.
Клиникада барлық диагностикалық процедуралар міндетті әлеуметтік медициналық сақтандыру аясында қаржыландырылып, толығымен тегін және учаскелік дәрігердің жолдамасы бойынша қабылданады. Ұрықты қорғау орталықтарының мамандары — бұл болашақ аналармен тығыз қарым-қатынаста жұмыс істейтін, жан-жақты қолдау мен көмек көрсететін үлкен тәжірибесі бар мамандар.
Клиника жұмысына жүгініп, тексерістен өтіп жүрген аналарымыз қызметкерлер жұмысына алғыстарын айтып, уақыт үнемдеумен қатар бала денсаулығын бақылауда ұстау үшін таптырмас жоба екендігін жеткізді.
Ұрықты қорғау орталығы жұмысының арқасында жүктіліктің асқыну деңгейін едәуір төмендетіп, жаңа туған нәрестелердің денсаулық көрсеткіштерін жақсартуға болады. Бұл өз кезегінде демографиялық жағдайға және халқымыздың әл-ауқатына оң әсерін тигізеді.