ЕР ЕСІМІ-ЕЛ ЕСІНДЕ

   Екінші дүниежүлік соғысқа қатысқан көзі тірі ардагерлер жеңістің 79ыншы көктемін қарсы алды. Мереке қарсаңында қала әкімі ерлікпен қаза тапқан батырларға тағзым етіп, қос ардагерге пәтер кілтін табыстады.

  Шаһарымызда Абай саябағында Ұлы Жеңістің 79 жылдығын мерекелеуге арналған салтанатты жиын өтті. Қала әкімі Ғабит Сыздықбеков Ұлы Отан соғысында ерлік жасап, есімдері “Даңқ” мемориалына жазылған батырларға гүл шоқтарын қойды. Арнайы жиынға 200-ге жуық зиялы қауым өкілдері, Қазақстан қарулы күштері, Ауған соғысының ардагерлері, қоғамдық кеңес мүшелері және мәслихат депутаттары қатысты.

Сонымен қатар, қала әкімі ҚР Президенті Қасым-Жомарт Тоқаевтың Жеңіс күніне арналған құттықтау хатын беріп, Ұлы Отан соғысының ардагерлері Мұратәлі Төлепбергенұлы мен Нина Масуноваға жаңа пәтер кілтін табыстады.

Естеріңізге сала кетейік, Ұлы Отан соғысы Екінші дүниежүзілік соғыстың бір бөлігі ретінде тарихқа енді. Сол жылдары Қазақстан одақтас республика мәртебесінде КСРО құрамында болды. Сондықтан 1,2 млн қазақстандық фашистік Германияға шабуыл жасаған. Олардың 600 мыңнан астамы үйлеріне оралмады.