«SHYMKENT SKATE» халықаралық турнирінің ашылу салтанаты өтті. Өзбекстан, Қырғызстан, Ресей, Украйна мемлекеттерінен және респбуликамыздың өңірлерінен жиналған 300 жас спортшы бақ сынасты. Жас мәнерлеп сырғанаушылар Б тобы бойынша өнер көрсетеді. Жарыс 5 мамырға дейін жалғасады.
Мәнерлеп сырғанаудың отаны – Голландия болып саналады. Бұл жерде 13-14 ғасырларда алғашқы темір конькилер пайда болды. Жаңа конькилер түрінің пайда болуы мәнерлеп сырғанаудың дамуына айтарлықтай түрткі болды, сол кезеңдерде мәнерлеп сырғанау – әдемі дене пішінін сақтай отырып, мұзда күрделі фигурлалар салу болатын. Бүгінде бұл спорт түркіне баласын беретін ата аналар жетерлік. Қызығушылықта жоғары. Бүгінгі тартысты жарысқа 4 жас пен 16жас аралығындағы 300 спортшы бақтарын сынайды. Ал, Шымкент қаласынан 52 жас спортшы бақ сынамақ. Одан бөлек Астана, Алматы, Атырау, Қарағанды, Қостанай, Қызылорда, Маңғыстау, Түркістан өңірдерінен үміткерлер келген.
Қазақстанда жас буын жанкүйерлері үшін мәнерлеп сырғанау Денис Теннен басталды. Денис Теннің Сочида өткен қысқы Олимпиада ойындарындағы қола жүлдесі – тәуелсіз Қазақстанымыздың мәнерлеп сырғанау тарихындағы алғашқы марапаты болды. Дәл осы спортшыға қарап қазақ баласы да әлемдік аренаны сырғанап бағындара алатынына көзі жетті. Қазірде бұл спорт түрі Қазақстанға келгелі 80 жылға жуықтады. Алғашқы 40 жылдары Алматы, Өскемен қалаларында мұз сарайлары бой көтере бастады. Сырғанау спортын дамытып көршілес елдің спортшыларынан тәжерибе алмасып, Деннис секлді сапалы кадр дайындау бүгінгі күннің басты талабы.
Шымкент қаласының №8 қысқы спорт түрлерінен олимпиада резервінің мамандандырылған балалар-жасөспірімдер спорт мектебі бүгінде 500 баланы тәрбиелеп отыр. 6 спорт түрін қамтитын мектеп спортшылары олимпиадаларда алғашқы үштіктен көрінуде. Ал, Шымкенттік ата-аналардың таңдауы мәнерлеп сырғанау мен хоккейге көбірек түседі екен.
Дәстүрлі ұйымдастырып келе жатқан бұл сайын биыл 6 шы рет өткізілуде. жарыс 5 мамырға дейін жалғасын таппақ.
Бетті дайындаған: Ақерке Құдайбергенқызы
