Мақтааралдық диқандар қырыққабаттың алғашқы өнімін экспортқа шығара бастады. Мақтаарал ауданы — негізгі табыс көзінің бірі саналатын ауыл шаруашылығы саласын құрайтын аграрлы мекен. Ерте көктемнен бастап мұндағы диқандардың шаруалары қайнап жатады. Нәтижесінде еткен еңбегі ақталып, сәуір айының екінші аптасында алғашкы өнімдерін алуды бастады. Аудандағы Мақтаарал ауылдық округіндегі «Надежда» шаруа қожалығы қырыққабаттың алғашқы өнімдерін көршілес Ресей еліне экспорттады.
«Қазсушар» РМК Түркістан филиалы теңгеріміндегі К-20 каналы арқылы, аталған қырыққабат аумағына қажетті ағын су уактылы жетіп, вегетациялық кезең оң нәтижесін бере бастады.
