БАҚ ӨКІЛДЕРІ АРАСЫНДА СПАРТАКИАДА ӨТТІ

28 маусым- Байланыс және ақпарат саласы қызметкерлерінің кәсіби мерекесі. Осыған орай, Шымкентте БАҚ өкілдері арасында спартакиада өтті. Ақпарат саласының майталмандары спорттың 4 түрлі бойынша бақ сынасып, өзара сынға түсті.   

ҚР журналистер одағы Шымкент қалалық филиалының ұйымдастыруымен өткен спартакиадаға Үшінші мегополистегі барлық бұқаралық ақпарат құралдарының командалары қатысты. Жарыстың ашылу салтанатында Шымкент қалалық филиалының төрағасы сөз алып, әріптесерін төл мерекесімен құттықтады. Барлық қатысушыларға сәттілік тіледі. БАҚ саласының майталмандары дәстүрлі жарыста 4 спорт түрі бойынша бақтарын сынады. Атап айтқанда, журналисттер шағын футбол, воллейбол мен үстел теннисі және де бильярдан кім мықтыдан кіл мықтыны анықтады. Спартакиаданың алғашқы күнінде воллейболдан 7 команда қатысты. Ойын нәтижесі бойынша,  1 орынды «Ернұр-пресс» командасы иемденсе, «Түркістан» құрамасы 2-ші орынға табан тіреді. Ал жүлделі үшінші орын «Түркістан ТВ» ойыншыларына бұйырды. Сондай-ақ, спартакиаданың соңғы күнінде ақпарат саласының қызметкерлері футболдан сынға түсіп, бақтарын сынады. Тартысты ойын нәтижесінде, жүлделі үшінші орын «Ернұр-пресс» құрамасына бұйырса, 2 орын тұғырынан «Онинфо» командасының ойыншылары көрінді. Ал сайыстың бас жүлдесін «Түркістан ТВ» ойыншылары қанжығасына байлап, жеңімпаз атанды. Үздіктерді марапаттауға қала әкімінің орынбасары арнайы қатысып, БАҚ өкілдерін кәсіби меререкемен құттықтады. Спорттық сайыста журналисттер белсенділік танытты. Мараппату рәсімінде жүлделі орын командаларынан бөлек, Жүзден жүйрік, мыңнан тұлпар шыққан жеке дара ойыншыларға түрлі номинациялар бойынша ақшалай сыйлықтар табысталды.