Шымкент қаласы мәслихатының кезекті төртінші сессиясында 23 мәселе қаралды. Депутаттар әкімдіктің құрылымын кеңейтіп, жаңа бвсқарма құру, «Құрметті азамат» беру , баспана, бюджет, қоғамдық көлік секілді мәселелерді көтерді. Қолдау тапқан ұсыныстар бір ауыздан мақұлданып, қорытынды шешім шығарылды.
Сегізінші шақырылымдағы кезекті төртінші сессияға әдеттегідей әкімдік мүшелері, аудан әкімдері,құқық қорғау өкілдері, тиісті басқарма басшылары және БАҚ қызметкерлері қатысты. Маңызды кездесу тікелей трансляция арқылы көрсетіліп, регламентке сай күнтәртібіне енгізілген 23 мәселе талқыланды. Аталған мәселелер бұған дейін өткен бірлескен тұрақты комиссия отырысында зерделеніп, қаралған болатын. Бүгінгі сессияда ең алдымен 2022 жылғы қала бюджетінің атқарылуы туралы баяндама тыңдалып, 2023-2025 жылдарға арналған нақтыланған қала бюджеті қабылданды. Сондай-ақ, мәслихаттың қолдыныстағы қабылданған шешімдеріне және нормативтік актілерге сәйкесінше өзгерістер енгізілді.
Шымкент қаласы әкімі аппаратының басшысы Ғабит Мәуленқұлов қала күні қарсаңында 12 тұлғаға мегаполистің Құрметті азаматы атағын беру туралы ұсыныс жасады. Ал, депутаттар өңіріміздің дамуына үлес қосқан азаматтарды бұл атаққа лайық деп санап, ұсынысты бір ауыздан қолдады.
Күн тәртібіндегі маңызды шешім — ҚР Қауіпсіздік кеңесінің тапсырмасына сәйкес, «Шымкент қаласының жұмылдыру дайындығы, аумақтық және азаматтық қорғаныс» басқармасын құру мәселесі болды. Одан бөлек, қала әкімінің орынбасары Мақсұт Исахов өңірдегі 19 және 26 автобустардың санын арттырып, келу уақытын жиілету керектігін ұсынды.
Ал, Қалалық тұрғын үй басқармасының басшысы Өз баяндамасында жастарға уақытша бес жылға берілетін баспаналарды иппотекалық бағытта өздеріне қалдыру жұмыстары қаралып жатқанын айтты.
Жиында сөз алған қала әкімінің орынбасары Қуаныш Жұмабекұлы мәселклердің маңыздылығын атап өтті. Жиын соңында мәслихат төрағасы Бахвдыр нАрымбетов сессияны қорытындылады.
By Айғақ медиа
