Наурыз мерекесіне орай, Шымкентте «Тарихқа тағзым» атауымен ауқымды шара өтті. Мерекелік бағдарлама аясында, келушілерге түрлі ұлттық қолөнер бұйымдары көрмесі , салт-дәстүрлер қойылымы ұсынылды. Сондай-ақ, әлеуметтік санаттағы бүлдіршіндерге арнайы сый-сияпаттар үлестіріліп, тарихи мультфильмдер мен көркем фильмдер көрсетілді. 
Көктемнің жайма шуақ мерекесінің төртінші күні «Тарихқа тағзым» атауымен қолға алынды. «Шымқала» тарихи мәдени кешенінде өткен мейрамда қазақы салт дәстүрлер мен ұлттық өнер дәріптеліп, түрлі ойын сауықтық бағдарламамен басталды. Келген жұртшылыққа ең алдымен наурыз көже ұсынылып, тәтті бауырсақтар таратылды. Мыңбұрыла билеген бишілер мен жезтаңдай әншілер қала тұрғындары мен қонақтарына көтеріңкі көңіл күй сыйлап, әуезді ән мен ырғақты би өнерін паш етті. Жұртшылық ұлттық ойындар — арқын тартыс пен тоғызқұмалақтан сайысып, түрлі сахналық қойылымдармен тыныстады. Салтанаттты шараның ашылуына ардагерлер кеңесі бастаған бір топ зиялы қауым өкілдері қатысып, келушілерді наурыз мерекесімен құттықтады.
Көрмеде ұлттық бас киім- тақиядан бастап, тоқыма мен қол өнер бұйымдары, ертоқым, ағаш пен темірден жасалған туындылар, қылқалам шеберлерінің қолынан шыққан көркем суреттер, білезік пен сақины сынды қоләшекейлер,сондай-ақ, ұлттық салт-дәстүрлер оның ішінде тұсау кесер сынды қазақтың ұлттық жәдігерлері ұсынылып, мерекенің мәні мен сәнін келтірді .
«Тарихқа тағзым» күнінің ең басты қонақтары-өмірлік қиын жағдайда жүрген бүлдіршіндерге ашық аспан астында арнайы ЛЕД экраннан тарихи мульфильм көрсетіліп,Демеушілердің есебінен балаларға мерекелік сыйлықтар табыс етілді. Өз кезегінде, ауқымды шараға келген балалар қала тұрғыдары мен қонақтарын құттықтап, мейрамның көтеріңкі көңіл күй сыйлағанын жеткізді. Наурыз мерексінің онкүндігіне сәйкес түзілген бағдарлама шеңберінде, өмірлік қиын жағдайда жүрген балалар үйінің бүлдіршіндеріне ары қарай арнайы көрсетілімдер ұйымдастырылды. Балаларға көтеріңкі көңіл күй сыйлау үшін шаһардың бірнеше нүктесінде тарихи танымдық көркем фильмдер мен мультфильмдер көрсетілді.Ұймдастырушылардың сөзінше, бұған дейін балалар үйінің тәрбиленушілерінен бөлек, басқа да мектеп оқушыарына түрлі сайыстық ойындар мен ұлттық киімдердің көрмесі сынды бағдарламалар ұсынылған. Бүгінде атаулы күнге орай, мекеме балаларына тарихи жанрдағы кинотуындылар көрсетіліп отыр. Мұндағы басты мақсат — бүлдіршіндерді құттықтап қана қоймай, олардың тарихқа деген қызығушылығын, танымдық көзқарастарын қалыптастыруға ықпал ету болып отыр. Осылайша, «Тарихқа тағзым күні»ұлттық дәстүрлер ұлықталып, қала қонақтарын мен тұрғындарына, елдің ертеңгі болашағы бүлдіршіндерге тарту жасалып, тағы да рухни құндылықтар насихатталды.
