ЕМХАНАҒА ТІРКЕЛУ НАУҚАНЫ АЯҚТАЛДЫ

Шымкент қаласында емханаға тіркелу науқаны аяқталды. Бұл туралы қалалық «Әлеуметтік медициналық сақтандыру қоры» коммерциялық емес акционерлік қоғамының директоры Сәбит Құралбек мәлімдеді. Статистикалық ақпаратқа сәйкес, жыл сайын өткізілетін емханаға тіркелу науқаны аясында, шетелдік азаматтар емхананы өз бетінше таңдау құқығын пайдаланған. Сол сияқты, азаматтығы жоқ 180 тұлға емханаға алғаш рет тіркеліпті.

Қалалық электрондық денсаулық сақтау орталығының мәліметі бойынша, емхананы еркін таңдау барысында 1 млн 170 мың тұлға 59 емханаға тіркелген. Жалпы Шымкент қаласы бойынша 4 мыңнан астам шетелдіктер мен 400-дей қандас емханаларда тіркеуде бар. Ал, практика дәрігеріне, учаскелік терапевтке бекітілген тұрғындар саны 1700 адам, учаскелік педиатрға 6 жасқа дейін 500 бала, 14 жасқа дейін 900 баладан аспауы қажет.

Қазірігі таңда, тұрғындар үшін қашықтықтан медициналық қызмет көрсетулер кеңеюде. Арнайы дәрігерлердің, оның ішінде Қазақстандық және шетелдік ғылыми орталықтардың мамандарынан пациенттің өзі медициналық мекемеге келмей-ақ, онлайн-режимде кеңес ала алады.Бұл қызмет әсіресе науқасты коронавирустан емдеу кезінде өзекті екен.

Мұндай қашықтықтан көрсетілетін қызмет түрлеріне, пациенттің созылмалы аурулардың асқынуы кезінде жүргізілуі мүмкін. Мұндай жағдайларда консультация беретін медициналық ұйымға сұраныс келіп түскен кезден бастап 3 сағаттан 24 сағатқа дейін көмнк көрсетілуге тиіс.