Дүниежүзілік сапа күніне орай Техникалық реттеу және метрология комитеті Шымкент қаласы бойынша департаментінің отырысы өтті. Комитет мүшелері өнімдердің сапасы бойынша пікір алмасып, атқарылған жұмыстарымен бөлісті. Жиын барысында, бірқатар білікті мамандарға алғыс хат табысталып, сала өкілдерінің еңбектері сөз болды. 
Халықаралық қоғамдастық жыл сайын қараша айының екінші бейсенбісінде Дүниежүзілік сапа күнін атап өтеді. Сапа- кез келген мемлекеттің немес кәсіпорынның табыс көзінің кілті. Сапа мәселесі біздің еліміздің де жкономикалық саясатының темірқазығына айналып келеді. Осы орайда, бас қосқан департамент өкілдерін құттықтауға онлайн түрде өзге де өңірлік басқарма басшылары қосылып, өздерінің жылы лебіщдерін жеткізді. Жиында сөз алған Техникалық реттеу және метрология комитеті Шымкент қаласы бойынша департаментінің басшысы сөз алып, сапаны арттыру мақсатындағы жұмыстар легіне тоқталды.
Жалпы мемлекет тарапынан тиісті мекемелерге еліміздің ішкі нарығындағы тауарлар мен қызмет түрлерінің халықаралық стандарттарға сәйкес қауіпсіздігін қамтамасыз ету, отандық тауарлардың сыртқы нарықтағы бәсекелестікке қабілетін арттыру мәселелеріне байланысты ауықымды да нақты міндеттер жүктегені белгілі. Бұл көкейкесті міндеттерді жүзеге асыру үшін қажетті жағдайлар да жасалуда.Тиісті заңдар қабылданып, техникалық реттеу және сапаны жетілдірудің нақты құқықтық кеңістігі қалыптастырылды. Аталмыш жиын соңында өндірістік орындарының бірқатар мамандарына алғыс хат табысталып, оларға құрмет көрсетілді.
