«STANDART CITY-2» ТҰРҒЫН ҮЙ КЕШЕНІ БОЙ КӨТЕРДІ

Шымкенттегі Нұртас шағын ауданында «Standart City-2» тұрғын үй кешені бой көтерді. Халықтың тілегін ескере отырып қабырғасы қаланған пәтерлер заманауи үлгіде салынған. Әрі барлық техникалық талаптарға сай. Бүгінде құрылысы толықтай аяқталған тұрғын үй кешенінде салтанаты ашылу рәсімі өтіп, келген қонақтарға концерттік бағдарлама қойылды.

» Standart City» бұл жайлылығы жоғары, тұтынушылардың барлық ұсынысын толықтай ескеріп,пәтер сызбалары кең әрі жарық болатындай етіп жобаланған заманауи тұрғын үй кешені. Мұндағы басты ерекшеліктер — автономды жылыту жүйесі. төменгі қабаттардағы коммерциялық нысандар мен ішкі аулаларындағы демалуға арналған арнайы орындар. Яғни, негізін қалаушы OKS Development компаниясы көпшілік үшін барынша ыңғайлы атмосфераны жасап, тұрғын үй жобасын барлық жас санатындағы тұрғындардың қажеттіліктеріне сәйкес түзген. Алғашқы болып пәтер алғандардың бірі — Алия Тоқсанбайқызы, көптен бері армандаған баспанасына қол жеткізгенін айтып, қуынышты жаңалығымен бөлісті. Себебі ол осыдан бірер жыл бұрын туған жері Мақтаарал ауданынан Шымшаһарға көшіп келіп, жалдамалы пәтерде тұрып келген. Бүгінде арнайы мемлекеттік бағдарлама арқылы 2 бөлмелі баспанаға ие болып, Шымкент қаласының тұрғыны атанып отыр.

Айта кетсек, «Standart City — » тұрғын үй кешенінің жалпы ауданы 30 мың шаршы метрді құрайды.Ал пәтерлер саны — 448. Жанында балабақша, мектеп және аурухана сынды әлеуметтік нысандар бой көтерген. Ал алдағы уақытта сауда ойын-сауық орталығын салынады деп күтілуде. Жарық, жол мен су  тартылып, инфраструктура мәселесі толықтай шешілген. OKS Development компаниясы директорының айтуынша,  құрылыс стандартының жоғары талаптарына сәйкес келетін жобаларды уақтылы іске қосуға мақсатында мекеме өз өндірісінің құрылыс материалдарын пайдаланып, тұрғын үй ғимараттарын салуға маманданған. Бүгінде пәтер иесі атанған жұртшылықтың қуанышында шек жоқ. Оларға ашылу рәсімінде арнайы ән мен биден бағдарлама қойылып, көңіл көтеруге арналған түрлі конкурстық ойындар ұйымдастырылды. Шара барысында, сахнаға ел ағасы, «Standart City- 2»-дің жаңа тұрғыны Жорабек Атымтаев ақ бата беріп, Тұрғын үй лентасын салтанатты түрде кесті.

«OKS Development» жобаларының барлығына дерлік Қазақстан Тұрғын-Үй Компаниясы кепілдік беріп отыр. Бұл тұрғын үй клиенттеріне пәтерді 100% есеп айырысу үшін ғана емес, өте тиімді шарттармен ипотекаға да сатып алуға мүмкіндік береді. Осы себепті де тұтынушылар аталған мекеменің өнімдеріне қызығушылық танытып, баспана иесі атануға ниет білдіруде. «Standart City- 2» Тұрғын үй кешенінің салатантты ашылу рәсімінде қонақтар арасында 30-дан астам бағалы сыйлықтар мен құнды ұтыстар ойнатылды. Бас жүлде иегеріне– 300 000 теңгенің сертификаты табысталып, қалған қатысушыларға қоймаларды сатып алуға арналған 50% жеңілдігі бар қосымша 15 сертификат таратылды.