ӘЙТЕНОВ ТҰРҒЫНДАРМЕН КЕЗДЕСТІ

 Күні кеше Абай ауданында өткен әкімнің халықпен кездесуі бүгін Әл-Фараби ауданының тұрғындарымен өтті. Келелі кездесуде аталмыш аймақтың 9 айда атқарылған жұмыстары ортаға салынып, бұқараның мұң-мұқтажы тыңдалды. Өз кезегінде мегполис басшысы өзекті мәселелерді жеткізген азаматтардың сөзіне құлақ асып, жауапты басқарма басшыларына тапсырма берді.

Кезекті рет түндігін түрген кездесу өткен жиындардағыдай емес, дау-дамайсыз, мәмілелі түрде өтті.Бұл жолы қала халқы даурықпай өз ойын ашық жеткізіп,сұрақты төтесінен қойды. Бұқарның басым бөлігі әлеуметтік,инфрақұрылым,денсаулық сынды бірқатар келелі мәселелрді қаузап,көпшіліктің көкейіндегі жайттарды жеткізді. Соның бірі ерекше баланы тәрбиелеп отырған ана. Ол мүмкіндігі шектеулі балаларға берілетін құны қымбат дәрі-дәрмектер әлі күнге дейін берілмей жатқанын айтып ағынан жарылды.Сонымен қоса мүгедектерге арналған «сос такси» қызметінің қолжетімсіз екенін айтып дабыл қақты.

Жауапты сала мамандары сұрақтарға жауап беріп, алдағы уақытта өзекті мәселелер шешімін табады деп уәде берді.Ал мегаполис басшысы бұл түйткілді мәселені назардан тыс қадырмайтынын жеткізді.

Оңтүстік Қазақстан мемлекеттік педагогиалық университетінде өткен жиында білім саласының өкілдері әлеуметтік жағдайы төмен,аз қамтылған отбасылардың балаларына «әкім гранты» биыл бөлінбегенін айтып, келесі жылы қолға алынады ма деген сұрақ жолдады. Бұл сұрауға Мұрат Әйтенов  қала бюджетіне қарайтынын айтып, қысқа қайырды.