ҰЛАҒАТТЫ ҰСТАЗДАР МАРАПАТТАЛДЫ

Академик Ә.Қуатбеков атындағы халықтар достығы университеті мұғалімдер мерекесін тойлады. Салтанатты кеште оқу ордасының ұстаздары арнайы алғыс хат пен төсбелгіге ие болды. Аталмыш шараға қалалық мәслихат депутаттары мен зиялы қауым өкілдері қатысты.

Еліміз бойынша қазан айының алғашқы жексенбісі «Ұстаздар күні» кәсіби мерекесі болып белгіленген. Осыған орай шаһарымыздағы академик Ә.Қуатбекова атындағы халықтар достығы университетінде салтанатты жиын өтті. Аталмыш шараға Шымкент қалалық мәслихат депутаттары мен зиялы қауым өкілдері, ардагер ұстаздар қатысты.Алқалы жиында сөз алған оқу ордасының ректоры Рабиға Қуатбекова күллі ұстаздарды төл мерекесімен құттықтап, шәкірт тәрбиелеуде аянбай еңбек еткен азамттарды арнайы алғыс хат пен төбелгімен марапаттады.

23 жылға жуық тарихы бар оқу ордасы еліміздің өркендеу жолында еңбек нарығына, заман талабына сай бәсекеге қабілетті мамандар даярлауда өзіндік үлесін қосып келеді. Осы орайда университеттің дамуына бірден-бір сүбелі үлесін қосып жүрген білікті профессор-оқытушылар құрамы екені айқын. Соның бірі Керемет Қуатбекова. Ол елеулі еңбегі үш «Ел ардақтысы» төсбелгісіне ие болып, ұжым ықыласы мен қошеметіне бөленді.

Бүгінде аталмыш оқу ордасында 13 мыңға жуық шәкірт тәлім алуда.Бәсекеге қабілетті маман даярлауда университет басшылығы студенттеріне жан-жақты жағдай жасап отыр. Сапалы білім мен саналы тәрбие беруде оқу орнының ұстаздар ұжымы аянып қалмақ емес.