Мемлекет басшысының Жарлығымен Қайрат Ермекұлы Омаров Қазақстан Республикасының Біріккен Ұлттар Ұйымы жанындағы Тұрақты өкілі болып тағайындалды, ол Қазақстан Республикасының Америка Құрама Штаттарындағы Төтенше және Өкілетті Елшісі қызметінен босатылды, деп хабарлайды Ақорда кз.
Қайрат Ермекұлы 1963 жылғы 12 қаңтарда Фергана қаласында туған (Өзбекстан). 1985 жылы Алматы педагогикалық шет тілдер институты ағылшын және француз тілдерін мұғалімі мамандығы бойынша бітірді.
Өз еңбек жолын 1987 жылы Алматы педагогикалық шет тілдер институтында оқытушы ретінде бастаған. Қазақстан Ғылым Академиясының Тарих, этнография және археология институтының ғылыми қызметкері, Қазақстан Республикасы Жазушылар Одағы жанындағы көркем аударма жөніндегі бас редколлегияның ағылшын тілінен аудармаларының бас редакторы болған.
Дипломатиялық қызметін 1992 жылы ҚР СІМ Паспорт-виза бөлімінің екінші хатшысы қызметінен бастады. Содан кейін Еуропа және Америка елдері басқармасының бірінші хатшысы, сондай-ақ Америка басқармасы Еуропа және Америка бөлімінің меңгерушісі болды. 1994 жылы Қазақстанның АҚШ-тағы Елшілігіне бірінші хатшы ретінде жіберіліп, онда кеңесшіге дейін көтерілді.
1996-1998 жылдары Басқарма басшысы, кейін Еуропа департаменті директорының орынбасары болды. 1998-2003 жылдары Қазақстанның АҚШ-тағы елшілігіне кеңесші-уәкіл ретінде қайта жіберілді. 2004 жылы ҚР СІМ Ерекше тапсырмалар жөніндегі елшісі қызметін атқарған. 2004 жылғы сәуір-тамыз аралығында Президентінің Әкімшілігі Сыртқы саясат орталығының бас инспекторы болды.
2004-2009 жылдары Қазақстанның Үндістандағы және Шри-Ланкадағы қоса атқарушы Елшісі болды. 2009-2013 жылдары Сыртқы істер министрінің орынбасары қызметін атқарған. 2013 жылдан 2017 жылға дейін Қазақстанның АҚШ-тағы Елшісі болды.
Қазақстанның Аустриядағы Елшісі болып тағайындалғанға дейін 2017 жылдан бастап Қазақстанның БҰҰ жанындағы Тұрақты өкілі ретінде жұмыс істеді.
Төтенше және Өкілетті Елші дипломатиялық дәрежесіне ие. Ағылшын және француз тілдерін меңгерген.
