ҚАЗАҚСТАНДА ДИЗЕЛЬ ОТЫНЫНЫҢ БАҒАСЫНА САРАЛАНҒАН ТАРИФ БЕКІТІЛДІ

    ҚР Энергетика министрі Болат Ақшолақов Орталық коммуникациялар қызметінде өткен брифингте Қазақстанда дизель отынына сараланған тариф енгізу жоспары туралы айтты.

     ⛽️ Ақмола, Ақтөбе, Қостанай, Шығыс Қазақстан облысы, Батыс Қазақстан облысы, Солтүстік Қазақстан облысы және Абай ауданында:
— Қазақстан Республикасының азаматтары Қазақстан Республикасында берілген жеке куәлігін көрсеткен кезде тәулігіне 100 литрге дейінгі мөлшерде – литріне 260 теңге;
— Қазақстан Республикасының азаматтарына жеке куәлігін және Қазақстан Республикасында шығарылған жүк көліктеріне, арнайы, мамандандырылған көліктерге және автобустарға техникалық төлқұжатын көрсеткен кезде тәулігіне 300 литрге дейінгі мөлшерде – литріне 260 теңге;

    ⛽️ Нұр-Сұлтан, Алматы, Шымкент қалаларында, Алматы, Атырау, Жамбыл, Қарағанды, Қызылорда, Павлодар, Түркістан, Маңғыстау облыстарында, сондай-ақ Жетісу, Ұлытау облыстарында:
— Қазақстан Республикасының азаматтары Қазақстан Республикасында берілген жеке куәлігін көрсеткен кезде тәулігіне 100 литрге дейінгі мөлшерде – литріне 230 теңге;
— Қазақстан Республикасының азаматтарына жеке куәлігін және Қазақстан Республикасында шығарылған жүк көліктеріне, арнайы, мамандандырылған көліктерге және автобустарға техникалық төлқұжатын көрсеткен кезде тәулігіне 300 литрге дейінгі мөлшерде – литріне 230 теңге;
— белгіленген көлемнен жоғары немесе сатудың басқа жағдайлары үшін — литріне 450 теңге.

   Болат Ақшолақов мемлекет басшысы транзиттік көлік пен шекара периметрі бойынша сараланған бағаларды әзірлеу арқылы дизель отынының тапшылығын болдырмау міндетін қойғанын еске салды.

zakon.kz