Ақсақалдардың ақ батасынан басталған ору жұмыстары егістік басында қызу жалғасып жатыр. Алғашқылардың бірі болып өнімге орақ салған «Қазығұрт» кооперативі. 1997 жылы құрылған өндірістік кооператив осы уақытқа дейін егін шаруашылығында біршама жетістікке жеткен. Кооператив төрағасы Талғат Мекенбайұлының айтуынша, былтырғы жылы 840 га бидайдың орташа түсім 18 цн құраса, биыл 20-25 цн алу көзделген. Өндіріс қарамағындағы 3000 гектар егінді алқапты игеруге 3 комбайн жұмылдырылып отыр.
Ауыл шаруашылығына бейім аймақтардың қатарынан табылатын Төлеби ауданында жалпы 65 536 шақырым егіс көлемі бар. Биыл 21 000 гектар жерге масақты дақылдар егілген. Ылғалды жыл болғандықтан егістікте өнім былтырғыға қарағанда 2 есе көп. Төлеби ауданындағы орақ маусымын тамыз айының ортасына дейін толық аяқталуы күтілуде.
Айта кетейік, Төлеби ауданында маусымдық оруға 57 комбайн, 500-ден астам агротехникалар дайын тұр.
