Аршалы ауданының Жалтыркөл ауылында құны 39 миллион теңге болатын құс фабрикасының құрылысы бойынша ірі жоба жүзеге асырылуда, деп хабарлайды ҚазАқпарат тілшісі облыстық ішкі саясат басқармасына сілтеме жасап.
Жақында мұнда «Ақ-Дала Агро» ЖШС құс етін өндіретін құс фабрикасының үшінші кезегі іске қосылды. Жоба Нұр-Сұлтан қаласының айналасында азық-түлік белдеуін дамыту аясында жүзеге асырылуда.
Аумағы 36 гектар жер учаскесінде құрылыс-монтаж жұмыстары жүргізілді, фермада технологиялық жабдықтары бар алты құс қорасы бар. Фабрика инкубатор, құрама жем өндіру цехы, сою цехы және бройлер өсіру орны тәрізді 4 алаңнан тұрады. Тағы 9 құс қорасының құрылысы жоспарланған.
«Құс фабрикасының қуатты 10 мың тонна тауық етін өндіруге жетеді. 2023 жылы 22 мың тоннаға дейін көтереміз», – дейді «Ақ-Дала Агро» ЖШС кәсіпорнының бас директоры Марат Қарсыбаев.
Дайын өнім астана, Қарағанды облысында және Қазақстанның солтүстік өңірлерінде сатылатын болады.
Кәсіпорын басшылығы атап өткендей, құс фабрикасы құрылысының төртінші кезегін іске қосу шамамен 400 жұмыс орнын ашуға мүмкіндік береді.
Айта кетсек, жобаның арқасында көптеген жергілікті тұрғындар жұмыс орнын тауып отыр. Бүгінде мұнда 150-ге жуық адам жұмыс істейді, олардың орташа жалақысы 350 мың теңгені құрайды.
Ақмола облысы республика бойынша тауық етінің 40 пайызын өндіреді. Өңірде жылына 75 мың тоннадан астам ет өндіріледі.
ҚазАқпарат.
