30 жыл бұрын Алматыда Тәуелсіз Мемлекеттер Достастығының (ТМД) қағидаттары туралы Декларацияға қол қойылды, деп хабарлайды ҚР Мәдениет және спорт министрлігінің баспасөз қызметі.
1991 жылдың 21 желтоқсанында Алматыда Тұңғыш Президент Н.Ә. Назарбаевтың бастамасымен ТМД қағидаттары мен мақсаттарын бекіткен Декларацияға қол қойылды.
Естеріңізге сала кетейік, осыдан 30 жыл бұрын, 1991 жылдың 13 желтоқсанында Түрікменстан астанасы Ашхабадта КСРО құрамына кірген бес Орталық Азия Мемлекетінің: Қазақстан, Қырғызстан, Тәжікстан, Түрікменстан және Өзбекстанның Президенттері кездесті.
Кездесу қорытындысы бойынша қабылданған мәлімдемеде елдер бұрынғы КСРО мемлекеттерінің тең қатысуы шартымен ТМД ұйымына кіруге келісім білдірді.
Нұрсұлтан Назарбаев бірлестік мәселелерін талқылау үшін Алматыға жиналуды ұсынды. Іс-шараға Әзірбайжан, Армения, Беларусь, Қазақстан, Қырғызстан, Молдова, Ресей, Тәжікстан, Түрікменстан, Өзбекстан және Украина сияқты бұрынғы 11 одақтас республикалардың басшылары келді.
21 желтоқсанда бұл елдер ТМД-ның мақсаттары мен қағидаттарын баяндайтын Алматы декларациясына қол қойды. Атап айтқанда, құжатта ұйым қатысушыларының өзара іс-қимылы «Тең негізде құрылған Достастыққа қатысушылар арасындағы келісімдерде белгіленген тәртіппен әрекет ететін үйлестіруші институттар арқылы теңдік қағидатында жүзеге асырылатындығы» айтылған.
ZOOM онлайн-платформасында «Достастық жұлдыздары» Мемлекетаралық сыйлығын және «Дебюттер достастығы» халықаралық сыйлығын табыстау рәсіміне арналған салтанатты іс-шара өтті.
Іс-шараны құттықтау сөзімен МҚҚК Басқарма Төрағасы, Ресей Федерациясындағы Әзірбайжан Республикасының Төтенше және Өкілетті елшісі Полад Бүлбюль оглы ашты.
Бұдан әрі, қатысушыларға МҚҚК басқармасының тең төрағасы, Ресей Федерациясы Президентінің Халықаралық мәдени ынтымақтастық жөніндегі арнайы өкілі Михаил Швыдкой және ТМД-ға қатысушы мемлекеттер гуманитарлық ынтымақтастығы мемлекетаралық қорының атқарушы директоры Анатолий Иксанов сөз сөйледі.
Жүргізуші Қазақстан Республикасын жариялаған кезде экранда ақын, көрнекті қоғам қайраткері, дипломат және әдебиеттанушы Олжас Сүлейменов пен суретші Алмас Нұрғожаев туралы видеокадрлар пайда болды.
Сөз ҚР Мәдениет және спорт министрі Ақтоты Райымқұловаға берілді. Одан кейін Олжас Сүлейменов пен Алмас Нұрғожаев сөз сөйледі. Ақтоты Райымқұлова ТМД мемлекетаралық гуманитарлық ынтымақтастық қорына елдеріміз арасындағы мәдени-гуманитарлық ынтымақтастықты дамытуға және осы іс-шараны ұйымдастыруға қосқан үлесі үшін жылы лебізін білдірді.
«30 жыл ішінде Достастық бірлескен қызметтің нақты және теңдестірілген стратегиясын және ТМД кеңістігінде мемлекетаралық өзара іс-қимылдың жолға қойылған жүйесін қалыптастыруға мүмкіндік берді.
Бүгінде ТМД-бұл білім беру, ғылыми және мәдени кеңістік, жастардың әлеуеті, ғылыми және шығармашылық қызмет үшін қолайлы орта.
Ағымдағы жылы «Достастық жұлдыздары» және «Дебюттер достастығы» марапаттау рәсімін ерекше деп атауға болады, өйткені ол ТМД-ның 30 жылдық мерейтойында өткізіледі.
«Достастық жұлдыздары» мемлекетаралық сыйлығының гуманитарлық саладағы жоғары жетістіктері үшін ТМД бас марапатының иегері қазақстандық қоғам қайраткері, ақын, жазушы, дипломат және әдебиеттанушы, Қазақстанның Еңбек Ері, Қазақ КСР Халық жазушысы, «Невада — Семей» антиядролық қоғамдық қозғалысының негізін қалаушы, ЮНЕСКО қамқорлығымен мәдениеттерді жақындастыру халықаралық орталығының директоры Олжас Омарұлы Сүлейменов болды.«Дебюттер достастығы» халықаралық сыйлығының лауреаты Қазақстан Республикасының қазіргі заманғы бейнелеу өнеріндегі ең шығармашыл-белсенді жас суретшілердің бірі Алмас Нұрғожаев болды.
Барлық лауреаттарды Қазақстан Республикасының атынан және жеке өз атымнан жоғары марапатпен құттықтауға рұқсат етіңіз және барлық қатысушыларға мықты денсаулық, сарқылмас қуат және шығармашылық табыс тілейміз!»,- деді Ақтоты Райымқұлова салтанатты іс-шарада.
