Тәуелсіздік мерекесі қарсаңында «Оңтүстік» арнайы экономикалық аймағында сатылатын картон қағазын шығаратын зауыт «Shymkent Qagazy» ЖШС іске қосылды
Жоба құны 1500 млн теңгені құрайды. Ал жаңа жұмыс орындарының саны 50 адамды құрайды. Жобаның өндірістік қуаты жылына 3 млн қорапты, 10 мың крафтбумагты өндіруге қауқарлы. Дайын өнім толығымен ішкі нарықта сатылатын болады. Айта кетейік, аталмыш бағыттағы кәсіп қазіргі таңда нарықта жоғары сұранысқа ие.
Бүгінде өндірістік үй-жай мен АДК ғимараты салынып, жабдықтар орнатылды. Сонымен қатар, 300 мың тонна шикізат сатып алынды.
«Оңтүстік» арнайы экономикалық аймағы 6213 жұмыс орнын құруды көздейтін жалпы құны 126,4 млрд теңгелік 53 жобадан тұрады.
