Beeline Түркістан облысында интернеттің сапасы мен жылдамдығын арттыру бойынша белсенді жұмысын жалғастыруда. Осы мақсатта компания қолданыстағы инфрақұрылымның сенімділігін арттыра отырып, қамту желісін қарқынды дамытуда.
Бүгінгі таңда компания Түркістан облысының 24 ауылында төртінші кезеңнің ең перспективті желілері саналатын LTE 1800 диапазоны іске қосты. Бұрын елді мекендерде тек LTE 800 ғана жұмыс істесе, енді тағы бір станцияның қуаты қосылды. Мұндай жетістікке Мақтаарал ауданының Мырзакент, Сайрам ауданының Ақбұлақ, Түлкібас ауданының Састөбе, Бәйдібек ауданының Шаян, Сарыағаш ауданының Абай, Қазығұрт ауданының Жоғарғы Жылыбұлақ, Отырар ауданының Шілік ауылдарының тұрғындары дән риза.
Beeline жыл соңына дейін LTE 1800 желісін тағы 16 ауылда іске қосуды жоспарлап отыр. «Жүргізіліп жатқан жаңартулар мобильді интернеттің сапасы мен жылдамдығына оң әсер етеді. Түркістан облысы мен Шымкент қаласында мобильді интернет жылдамдығы 2020 жылдың 3-тоқсанымен салыстырғанда орта есеппен 52%-ға өсті. Ал еліміздегі 1 ГБ интернет құнына қарасақ, Қазақстан мобильді интернеті ең арзан ТОП-5 елдердің қатарына кіреді», — дейді Beeline компаниясының Шымкенттегі техникалық бөлімінің басшысы Нұркен Өмірзахов.
Компания мамандарының айтуынша, мобильді интернетті тұтыну көрсеткіші де артып келеді. 2021 жылдың 1 қазанындағы жағдай бойынша Түркістан облысы халқының 75 пайыздан астамы мобильді интернетті пайдаланады. Ал 2020 жылдың үшінші тоқсанымен салыстырғанда облыстағы мобильді трафиктің жалпы көлемі 30%-ға өсті. Орта есеппен облыс тұрғыны айына 19 ГБ трафик тұтынады және бұл өткен жылдың сәйкес кезеңімен салыстырғанда 20%-ға артық.
«Біз желіні үнемі жетілдіріп, байланыс пен интернеттің сапасын арттыруға бар күшімізді салып келеміз. Мысалы, күзде «Керуенсарай» туристік кешеніндегі желілік қамтуды жақсарттық. Бұл Түркістан облысының басты көрікті жері», — дейді Нұркен Өмірзахов.
Тағы бір жақсы жаңалық – бір ай бұрын компания жаңа FWA технологиясы негізінде Түркістан облысының Арыс қаласында сымсыз үй интернетін іске қосты. Жаңа технологияның артықшылығы – арнайы жиілік ресурстары мен Wi-Fi роутері арқасында Интернет жылдамдығы. Ал мұндай роутерге ноутбуктер, планшеттер және смартфондар сынды 16 құрылғыға дейін қосуға болады. Естеріңізге сала кетейік, Beeline Қазақстанда 10 миллионға жуық абонентке қызмет көрсетеді және еліміздегі ірі 30 салық төлеушілердің бірі, сонымен қатар Vigo мәліметі бойынша мобильді интернет сапасы жағынан Қазақстандағы №1 байланыс операторы болып табылады.
