Қазақстан Республикасы Тәуелсіздігінің 30 жылдығына орай «ШЫМКЕНТ ҚАЛАСЫНЫҢ ҚҰРМЕТТІ АЗАМАТТАРЫ» жинағының тұсаукесері өтті.
Шымкент өңірінің дамуына, өркендеуіне өз үлестерін қосып, әр салада еңбегімен үлкен жетістіктерге жетіп, халықтың құрметіне ие болған үздіктері, қоғам қайраткерлері, дара тұлғалар 1967 жылдан бастап «Шымкент қаласының Құрметті азаматы» атағына ие болып келеді. Бүгінгі танда бұл атаққа 145 адам ие болды.
Жинақтың мақсаты – келешек ұрпаққа рухани қазына етіп, «Құрметті азаматтардың» өмірін, еңбек жолын насихаттау, тарих беттерінде мәңгі қалдыру болып табылады.
Жинақ архивтік мәліметтердің негізінде дайындалған. Іс-шараға Шымкент қаласының «Құрметті азаматтары», зиялы қауым өкілдері қатысты. Іс-шара аясында «Шымкент қаласының Құрметті азаматтары» жинағын қонақтарға тарту етті.
сонымен қатар, Әл-Фараби атындағы қалалық ғылыми әмбебап кітапханасында Шымкент қаласының Құрметті азаматтарының жеке заттарынан жинақталған көрме ұйымдастырылды.
