Бұдан бұрын хабарланғандай, Қазақстан Республикасының Сауда және интеграция министрлігі Еңбек және халықты әлеуметтік қорғау, Қаржы, Цифрлық даму, инновациялар және аэроғарыш өнеркәсібі министрліктерімен, Қазақстан Республикасының Ұлттық Банкімен, сондай-ақ банк секторының өкілдерімен бірлесіп, атаулы әлеуметтік көмек төлеу түрінде 2021 жылғы желтоқсанда «әлеуметтік әмиян» пилотын енгізуді техникалық іске асыру жұмысын жүргізуде, деп аталмыш ведомствоның баспасөз қызметі хабарлады.
Осы мақсатта 2021 жылғы 8 қыркүйекте «Мемлекеттік бюджет қаражаты және (немесе) Мемлекеттік әлеуметтік сақтандыру қорының электрондық ақша түрінде аударылатын қаражаты есебінен жәрдемақылар мен әлеуметтік төлемдерді есепке алу, есепке алу және пайдалану, сондай-ақ атаулы әлеуметтік көмекті пайдалану мониторингі қағидалары мен ерекшеліктерін бекіту туралы» Қазақстан Республикасы Үкіметінің №619 қаулысы қабылданды.
Осылайша, Қағидаларда электрондық ақша түріндегі жәрдемақылар мен әлеуметтік төлемдерді есептеу, есепке алу және пайдалану рәсімінің ұғымдық аппараты: «әлеуметтік әмиян», «бизнес-әмиян», «электрондық ақша жүйесіне қатысушылар» және басқа да ұғымдар, сондай-ақ енгізілетін «әлеуметтік әмиянға» және электрондық ақшаны одан әрі пайдалану тәртібі айқындалған.
Бұдан басқа, қабылданған қаулы аясында ҚР Сауда және интеграция министрлігі ҚР Еңбек және халықты әлеуметтік қорғау министрлігімен және ҚР Ұлттық Банкімен бірлесіп, жәрдемақылар мен әлеуметтік төлемдерді электрондық ақша түрінде әлеуметтік әмияндарға кезең-кезеңімен аудару бойынша жоспар әзірленуде, жоспардың өзін 2022 жылғы 1 қаңтарға дейін бекіту жоспарлануда.
