«АЙҒАҚ» ЖУРНАЛИСІ ТҮРКИЯҒА ЖОЛДАМА ҰТЫП АЛДЫ

«Айғақ» телеарнасының журналисі Жомарт Бегімбет Түркияға жолдама ұтып алды. Бүгін рухани астанаға алғашқы әуе рейсін орындаған «Turkish Airlines» журналистер арасында лоторея ойнатты. Нәтижесінде бағы жанған «Айғақтың» қызметкері Жомарт Жұмагелдіұлы жазғы демалысын бауырлас түркі елінде өткізетін болды.

«Turkish Airlines» компаниясы – Түркия Республикасы Қазақстан тәуелсіздігін мойындағаннан кейін, 1992 жылы мамыр айында Алматы халықаралық әуежайына қонған алғашқы шетелдік әуе компаниясы. 2005 жылы «Turkish Airlines» компаниясы Қазақстанның авиациялық билік органдарының шақыруымен Қазақстанның жаңа астанасына бірінші болып ұшып келді. Аталмыш компания Түркияның ұлттық әуе компаниясының жоғары сапалы қызметтерін пайдалана отырып Астана (Нұр-Сұлтан) қаласынан халықаралық бағыттар бойынша ұшуға өз әуе кемелерін ұсынған.

«Turkish Airlines» компаниясы Қазақстан тәуелсіздігінің 30 жылдығына арнап Түркістанға тұрақты әуе қатынасын қамтамасыз етуді мақсат етіп отыр. Түркістан – ежелгі дәуірдегі қазақ халқының мәдениетімен, тарихымен және салт-дәстүрімен танысқысы келетін туристердің назарын аудартатын әлемдегі жаңа бағыт. Осылайша «Turkish Airlines» компаниясы бүкіл әлемді Түркістанмен біріктірмек. Өз кезегінде әуе компаниясы өзінің тиімді қызметтерін ұсына отырып қонақтарды рухани астанаға осы керемет жерге арнайы алғашқы бағалармен жеткізеді.

«Turkish Airlines» әуе компаниясы 2021 жылдың 22 мамырынан бастап Түркістан қаласына Боинг 737 әуе кемесімен аптасына бір рет (сенбі күндері) рейс жасайды. Одан кейін қатынас жиілігін аптасына екі рейске арттырады.