Қазақстан Республикасы Бас Прокурорының 2021 жылғы 5 сәуірдегі бұйрығымен Түркістан облысы прокурорының орынбасары лауазымдарына Ж.Н. Нұрғали және Қ.Е. Аблезов тағайындалды, деп хабарлайды Түркістан облысы прокуратурасының баспасөз қызметі.
— Нұрғали Жомарт Нұрғалиұлы 1978 жылы Шымкент қаласында туылған. Қ.А.Ясауи атындағы Халықаралық қазақ-түрік университетін бітірген.
Прокуратура органдарындағы еңбек жолын 2000 жылы Оңтүстік Қазақстан облысы прокуратурасында бастаған. Одан кейін Қазақстан Республикасы Бас прокуратурасында, Оңтүстік Қазақстан облысы прокуратурасының Аппарат басшысы, Кентау қаласы және Шымкент қаласы Абай ауданының прокуроры лауазымдарын атқарған.
Соңғы қызмет орны – Түркістан облысы Сарыағаш ауданының прокуроры.
Прокуратура органдарында 21 жыл еңбек өтілі бар.
Сыныптық шені- аға әділет кеңесшісі.
— Аблезов Қуаныш Ержанұлы 1978 жылы Алматы қаласында туылған. ҚР ІІМ Алматы заң институтын бітірген.
Құқық қорғау органдарындағы еңбек жолын 1995 жылы Атырау облысының ІІД-нің органдарындағы қызметтен бастаған. 2004 жылы қаржы полициясы органдарында, 2013 жылы қауіпсіздік Қызметінде, 2015 жылы Атырау облысының мемлекеттік кірістер Департаментінде қызметтер атқарған.
Прокуратура органдарында 2018 жылы Қазақстан Республикасы Бас көлік прокурорының орынбасары лауазымын осы кезеңге дейін атқарып келді.
Құқық қорғау органдарында 22 жылдан астам еңбек өтілі бар.
Сыныптық шені – аға әділет кеңесшісі.
