Бүгін Үкімет отырысында Денсаулық сақтау министрі Алексей Цой ҚР-дағы эпидемиологиялық жағдай және халықты коронавирустық инфекцияға қарсы вакцинациялау қарқыны туралы айтты.
Ағымдағы жылдың бірінші ақпанынан бастап КВИ-ге қарсы вакцинация науқаны жалғасуда. Бірінші сәуірден бастап вакцинациялауға жататын адамдардың санаттары кеңейтілді. Вакциянациялау кестелерін жергілікті атқарушы органдар жасайды. Бүгінгі күні бірінші компонентпен 194 706, екінші компонентпен – 72 110 азамат егілді.
Республика бойынша 1000 тұрғынға шаққандағы көрсеткіш – 10,3. Мемлекет басшысының тапсырмасын орындау үшін сәуір айында вакцинаның 2 млн.дозасын жеткізу күтілуде, бұл тиісті контингенттің 23,4% — ын қамтуға мүмкіндік береді.
«Сіздің тапсырмаңызды және қолданыстағы эпидемиологиялық ахуалды ескере отырып, сәуір айында Нұр-сұлтан қаласына — 284 мың, Алматыға — 464 мың, Шымкентке — 172 мың, Алматы облысына — 232 мың, Қарағанды облысына — 217 мың вакцина жеткізу көлемі ұлғайтылды, Қазақстанда өндірушілермен жүргізілген келіссөздерді ескере отырып, бірінші жартыжылдықта 6 млн.астам вакцина дозасы түседі деп жоспарлануда, бұл тиісті контингенттің 64% — ын қамтуға мүмкіндік береді», — деді А. Цой.
Бұл көлем КВИ-ға қарсы вакцинациялауға жататын контингентті және өтеусіз негізде вакцинациялауға ниет білдірген адамдардың қолжетімділігін барынша кеңейтуге мүмкіндік береді.
Ұйымдастырылған ұжымдарда және адамдар көп жиналатын жерлерде вакцинация жүргізу үшін жылжымалы егу пункттері іске қосылады. Осыған байланысты облыстардың, Алматы, Нұр-сұлтан және Шымкент қалаларының әкімдері: халықты КВИ-ға қарсы вакцинациялаумен қамтуды ұлғайту үшін адамдар көп жиналатын жерлерде уақытша егу пункттерін/бригадаларын ұйымдастыруды; вакциналарды сақтауға арналған тоңазытқыш жабдықтарының жеткілікті санымен және көшпелі егу бригадалары егу жүргізу үшін термоконтейнерлермен қамтамасыз ету қажет.
