Түркістан қаласы Полиция басқармасының басшысы Бауыржан Селтанов есеп берді

Есеп беру Түркістан қаласы әкімдігі ғимаратында Әкімдіктің аппарат басшысы Жәнібек Наушабайұлының қатысуымен өтті.Карантиндік сақтық шараларына байланысты есеп беру барысында қала тұрғындары басқарма басшысына көкейкесті сұрақтарын онлайн жолдады.

Әр түрлі бағытта қойылған сұрақтардың өз кезегінде басқарма тарапынан қолға алынылатыны айтылды.Есеп берудегі мәліметке сәйкес 2020 жылдың 12 айында 909 құқық бұзушылық тіркеуге алынған. Бұл өткен жылғы есеппен салыстырғанда 27,9 % (2019 жылы 1261құқық бұзушылық тіркелген) азайған.833 қылмыстық әрекеттер жасалған.

Көрсеткіштер бойынша қылмыс түрлері 2019 жылмен салыстырғанда біршама азайған. Атап айтқанда, тонау қылмыстары 27-ден 14-ке 48,1 %, қарақшылық 4-тен 2-ге 50,0 %, бұзақылық 49-дан 27-ге -44,9 %, ұрлық қылмастары 614-тен 395-ке 35,7 %, оның ішінде пәтер ұрлықтары 200-ден 125-ке 37,5 %азайып отыр. Сонымен қоса,  жасөспірімдер және олардың қатысуымен орын алған қылмыстар 35-тен 23-ке немесе 34,3%, адамдардың топтасып қылмыс жасаулары 156-дан 72-ге немесе 53,8 %төмендеген.

Қазіргі таңда, көше және қоғам қылмыстарымен жасөспірім арасындағы қылмыстарды алдын алу  және құқық бұзушылықтарды болдырмау мақсатында аптаның бейсенбі, жұма, сенбі, күндері Түркістан қалалық Полиция басқармасының учаскелік полиция пункттерінің әкімшілік аймақтарында, болған қылмыстарды дер кезінде ізін суытпай ашу бағытында «бір-нүктелік» жедел-профилактикалық жұмыстар атқарылуда.

Басқосу кезінде басқарма басшысы қоғамдық тәртіп пен қоғамдық қауіпсіздікті қамтамасыз ету және қылмысқа қарсы күрес бағытын жұмыла жасау қажеттігін айтып, алдағы уақытта атқарылып жатқан жұмыстар жаңғыртылатындығын айтты.