Еліміздің білім беру ұйымдарындағы қоғамдық тамақтану объектілерінің қызметіне рұқсат етілді

   Қазақстанның бас санитар дәрігері Ерлан Қиясовтың жаңа қаулысы жарияланды, — деп хабарлайды Tengrinews.kz тілшісі.

Қаулы бойынша, талаптар сақталған кезде білім беру ұйымдарындағы қоғамдық тамақтану объектілерінің қызметіне рұқсат етіледі.

Құжаттың тағы жаңалығы діни нысандарға байланысты. Мысалы, «қызыл» және «сары» аймақтардағы діни нысандарда ұжымдық іс-шараларды өткізуге тыйым салынады. Ал «жасыл» аймақта мешіттерде толымдығы 30 пайызға дейін, бірақ 100 адамнан аспаған кезде (бес намаз) ұжымдық құлшылыққа рұқсат етілген. 150 адамға дейін, толымдығы 25 пайыздан аспайтын мешіттерде, ауылдық жерлерде ғана жұма намазына рұқсат етілген.

«Қазақстанға шетелден әуерейстермен келетін адамдарға қатысты іс-шараларды мынадай тәртіппен жүргізуді қамтамасыз етсін:

Қазақстан Республикасының Мемлекеттік шекарасын кесіп өту кезінде оларды ертіп жүретін адамдарда ПТР әдісімен COVID-19-ға тесттен өткені туралы (қазақ, орыс, ағылшын тілдерінде) теріс нәтижесі бар анықтама (бұдан әрі – Анықтама) болған кезде 5 жасқа дейінгі балаларды; Қазақстан Республикасының үкіметтік делегацияларын; авиакомпаниялар экипаждарын қоспағанда, барлық келген адамдар Қазақстан Республикасының Мемлекеттік шекарасын кесіп өту сәтінде нәтижесі берілген күннен бастап есептегенде 3 тәулік бұрын берілген  Анықтаманы ұсынуға міндетті;

Қазақстан Республикасына шетелден халықаралық жолаушылар авиарейстерімен келген адамдарға қатысты шектеу шаралары Қазақстан Республикасының үкіметтік делегацияларын; авиакомпаниялар экипаждарын қоспағанда, осы қаулыға 2-қосымшаға сәйкес жүргізіледі;

халықаралық транзитпен қатынайтын жолаушылар транзитті аймақтан шықпайды және соңғы межелі пунктте шектеу шараларын жүргізуге жатады», — делінген қаулыда.

Қазақстанға мемлекеттік шекарасы арқылы өткізу пункттерінен теміржол, теңіз, өзен көлігінде және автомобиль өту жолдарымен келетін адамдарға қатысты іс-шаралар мынадай тәртіппен жүргізуді қамтамасыз етіледі:

Қазақстанның мемлекеттік шекарасын кесіп өту кезінде оларды ертіп жүретін адамдарда ПТР әдісімен COVID-19-ға тесттен өткені туралы (қазақ, орыс, ағылшын тілдерінде) теріс нәтижесі бар анықтама (бұдан әрі — Анықтама) болған кезде 5 жасқа дейінгі балаларды; Қазақстан Республикасының үкіметтік делегацияларын; локоматив бригадаларының мүшелерін, қызметі темір жол, теңіз және өзен көлігімен тасымалдау қызметімен байланысты адамдарды қоспағанда барлық келген адамдар Қазақстан Республикасының Мемлекеттік шекарасын кесіп өту сәтінде нәтижесі берілген күннен бастап есептегенде 3 тәулік бұрын берілген Анықтаманы ұсынуға міндетті; Қазақстан Республикасына темір жол, теңіз, өзен көлігі және автомобиль өту жолдарымен Қазақстан Республикасының Мемлекеттік шекарасы арқылы өткізу пункттері арқылы келген адамдарға қатысты шектеу шаралары Қазақстан Республикасының үкіметтік делегацияларын, локоматив бригадаларының мүшелерін; темір жол көлігіндегі тасымалдау қызметімен байланысты адамдарды қоспағанда осы қаулыға 6-қосымшаға сәйкес жүргізіледі.