Б.Парманов: Ауданның инфрақұрылымын дамыту басты мәселе

2021 жылы Абай ауданының инфрақұрылымын дамытуға 27,7 млрд теңге бөлінеді. Оның ішінде:

— Ауыз су жүйесіне –5,7 млрд.тг
— Электр жүйесіне – 6,9 млрд.тг
— Табиғи газ жүйесіне – 109,8 млн.тг
— Кәріз жүйесіне –3,6 млрд.тг
— Асфалть жол – 9,5 млрд.тг
— Шағал тас – 173,6 млн.тг
— Балалар ойын алаңшалары мен  спорт алаңшасын орнату  — 1,8 млрд.тг.

Абай ауданы аумағы бойынша 34 елді мекеннің 22 елді мекені сапалы ауыз сумен қамтылса, ағымдағы жылдың басында тағы 2 елді мекен сапалы ауыз сумен қамтылып, 24 елді мекен немесе 71% сапалы ауыз сумен қамтылып отыр. Қалған 10 елді мекен ұңғыма және тасымалды ауыз суларын пайдаланады. Жалпы 2020 жылы сапалы ауыз сумен қамтамасыз ету жұмыстарына жалпы 8,4 млрд теңге қаржы қаралған. Оның ішінде 8 елді мекеннің ішкі құрылыс жүйелерінің жұмыстарына — 7 920,6 млн.теңге бөлініп, 4 елді мекеннің тұрғындарына ауыз су жүйелерін қосу жұмыстары жүргізілуде. Атап айтқанда, Игілік, Қызылжар, Көкбұлақ, Тәуелсіздікке 20 жыл.
Қалған 4 елді мекеннің (Жаңаталап, Ынтымақ-2, Жаңа Тұрлан, Солтүстік саяжай (Нұршуақ) құрылыс жұмыстары 2021 жылы аяқталып, жалпы 25 мыңға жуық тұрғын сапалы ауыз сумен қамтылатын болады.

Сонымен қатар, аудан аумағы бойынша 34 елді мекеннің 27 елді мекені (80%) мемлекеттік электр жарығымен қамтылып отыр.

— Ақтас тұрғын алабы мен Арғымақ шағын ауданын электр жарығымен қамтамасыз ету мақсатында «Бизнестің жол картасы» аясында республикалық бюджеттен 224,7 млн.теңге бөлініп, 358 тұрғын үй электр жарығымен қамтылды.
Сонымен қатар, 2020 жылы 7 елді мекеннің ЖСҚ-н дайындауға — 118,3 млн. теңге бөлініп, жобалар толығымен әзірленген.

— Солтүстік саяжай шағын ауданындағы — (1025 тұрғын үй, 4875 жер телімі, 4613 тұрғын) «Су жоба құрылыс» ЖШС тарапынан 2,7 млрд.теңге;
— Жаңаталап тұрғын алабындағы — (676 үй, 5196 тұрғын) “Ұлмад” ЖШС тарапынан 1,1  млрд.теңге;
— Ынтымақ-2 шағын ауданындағы — (1794 үй, 7189 тұрғын) «Конструктор-80» ЖШС тарапынан 840,3 млн.теңге;
— Айкөл тұрғын алабындағы — (66 үй, 334 тұрғын) «А-Строй проект» ЖШС тарапынан 90,2 млн.теңге;
— Ақжар тұрғын алабындағы — (650 үй, 5204 тұрғын) «А-Строй проект» ЖШС тарапынан 177,9 млн.теңге;
—  Игілік тұрғын алабындағы — (1319 үй, 8431 тұғын) «А-Строй проект» ЖШС тарапынан 385,5 млн.теңге;
—  Тәуелсіздікке 20 жыл тұрғын алабындағы — (716 үй, 2856 тұрғын) «А-Строй проект» ЖШС тарапынан 405,9 млн.теңге.
2021 жылы аталған жобаларды жүзеге асыру үшін бюджет есебінен қаржы қарастыру жоспарлануда.Айғақ-ақпарат