Қараусыз қалған қарттарға қамқорлық қажет. Ордабасы ауданында жалғызілікті жеке тұрушы 110 қарияға 24 әлеуметтік қызметкер қызмет көрсетуде. Ауа райының күрт өзгеруіне байланысты қазіргі таңда қариялардың қажеттіліктері жеткізіліп, аулалары қардан тазаланды. Отындары мен азық-түліктерінің қоры анықталып, тиісті көмек берілуде.Жалғыз басты қалған қарт адамдарға материалдық көмектен бұрын жылы лебіз бен ашық көңіл қажет. Тағдыр тауқыметінің басына салған жалғыздығы жанын жегідей жейтіні анық. «Атадан бата алған жас азбайды» — деп қарттарды қадірлеуші еді дана халқымыз. Алайда қартайған шағында өз баласы өзектен теуіп, теріс айналатындар да баршылық. Ата-ананың қадірін балалы болғанда білерсің. Балалы болса да, байыбына бара алмайтындарға амал қанша. Немересін бауырына басып, бір иіскеуге зар қаншама қартымыз бар…Айғақ-ақпарат