Жолаушылардың назарына! Шымкентте былтыр жолаушылар тасымалдайтын 8 қоғамдық көліктің бағыты өзгерген болатын. Биыл 23 қаңтардан бастап тағы 5 қоғамдық көліктің жүру бағыты өзгертілді. Түсінікті болу үшін әр автобустың жүру бағытын көрсетсек.
.№ 108-ші қоғамдық көлік енді «Шымкент сити» мен «Восток» мөлтек ауданының аралығында қатынайтын болады.
Ал 138-ші нөмерлі автобус «Тұрлан» мөлтек ауданы мен Аэровокзал бағытында қатынайды.
141-ші нөмерлі қоғамдық көлік бағытын «Мирас» мөлтек ауданы мен «Қазығұрт» мөлтек аудандарына қарай өзгертті.
Сонымен қатар, № 150-ші автобус «Достық» мөлтек ауданынан бастап 18-ші мөлтек ауданға дейін
және № 55-ші бағыттағы автобус «Ынтымақ-2» мөлтек ауданы мен «Орталық стадион» аралығында жолаушыларды тасымалдайтын болады.
Бұл шара «Жолаушылар көлігін дамыту кешенді сызбасы» бағдарламасын жүзеге асыру мақсатында қолға алынған.
Қазіргі таңда, шаһарда 19 көлік компаниясының 980-ге жуық қоғамдық көліктері 68 бағыт бойынша жолаушыларды тасымалдау үстінде. Сондай-ақ, жыл соңына дейін кешенді схема бойынша қоғамдық көлік бағыттарының қозғалыс сызбалары оңтайландырылып, автобустардың 80 пайызы жаңарады деп жоспарлануда.